ಜನಜಾಗೃತಿ ಮೂಡಿಸುತ್ತಿರುವ ಚುನಾವಣಾ ಆಯೋಗಕ್ಕೆ ಚತ್ತೀಸ್ ಗಢದ ಗ್ರಾಮದಲ್ಲಿ ಕೇವಲ ನಾಲ್ಕೇ ನಾಲ್ಕು ಮತದಾರರು ಇರುವುದು ಕಂಡುಬಂದಿದೆ. ಶೆರಾಂದಂದ್ ಗ್ರಾಮದ ಪೋಲಿಂಗ್ ಬೂತ್ ನಂಬರ್ 143 ರಲ್ಲಿ ಕೇವಲ 4 ಜನ ಮತದಾರರಿವುದಷ್ಟೇ ಪತ್ತೆಯಾಗಿದ್ದು, ಈ ಪೈಕಿ ಮೂವರು ಒಂದೇ ಕುಟುಂಬದವರಾಗಿದ್ದಾರೆ. 

ಭರತ್ಪುರ್-ಸೋನ್ಹಾಟ್ ವಿಧಾನಸಭಾ ಕ್ಷೇತ್ರದಲ್ಲಿರುವ ನಾಲ್ಕು ಮತದಾರಿಗೆ ಮತದಾನ ವ್ಯವಸ್ಥೆ ಕಲ್ಪಿಸಲಾಗುತ್ತಿದ್ದು, ಪೋಲಿಂಗ್ ಪಾರ್ಟಿ ಚುನಾವಣೆಗೂ ಒಂದು ದಿನ ಮುಂಚಿತವಾಗಿ ಆ ಪ್ರದೇಶಕ್ಕೆ ತೆರಳಲಿದ್ದಾರೆ ಎಂದು ಜಿಲ್ಲಾ ಚುನಾವಣಾ ಅಧಿಕಾರಿ ಎನ್ ಕೆ ದುಗ್ಗಾ ಹೇಳಿದ್ದಾರೆ. 

ಈ ಪ್ರದೇಶಕ್ಕೆ ತಲುಪುವ ಮಾರ್ಗವೂ ದುರ್ಗಮವಾಗಿದ್ದು, ಚುನಾವಣಾ ಅಧಿಕಾರಿಗಳ ತಂಡ ಬೆಟ್ಟ ಗುಡ್ಡ ಹಾಗೂ ನದಿಗಳನ್ನು ದಾಟಬೇಕಿದೆ. ಮುಖ್ಯ ರಸ್ತೆಯಿಂದ 15 ಕಿಮೀ ದೂರದಲ್ಲಿ ಈ ಗ್ರಾಮವಿದೆ.  ನ.12 ಕ್ಕೆ ಚತ್ತೀಸ್ ಗಢ ವಿಧಾನಸಭೆಗೆ ಚುನಾವಣೆ ನಡೆಯಲಿದೆ.