ಪ್ಯೂ ರಿಸರ್ಚ್ ಸೆಂಟರ್ ನಡೆಸಿರುವ ಅಂತಾರಾಷ್ಟ್ರೀಯ ಸಮೀಕ್ಷೆಯಲ್ಲಿ ಟ್ರಂಪ್ ಗಿಂತಲೂ  ಹೆಚ್ಚು ವಿಶ್ವಾಸ ಇರುವುದು ಕ್ಸೀ ಜಿಂಗ್ಪಿಂಗ್ ಹಾಗೂ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಅವರ ಮೇಲೆಯೇ ಎಂದು ಸಮೀಕ್ಷೆ ಫಲಿತಾಂಶ ಹೇಳಿದೆ. 

25 ರಾಷ್ಟ್ರಗಳಲ್ಲಿನ ಸಮೀಕ್ಷೆಯ ಫಲಿತಾಂಶದಲ್ಲಿ ಶೇ.27 ರಷ್ಟು ಜನ ಮಾತ್ರ ಟ್ರಂಪ್ ಮೇಲೆ ವಿಶ್ವಾಸ ಹೊಂದಿದ್ದಾರೆ ಎಂದು ತಿಳಿದುಬಂದಿದೆ.  ವಿಶ್ವದ ವಿಚಾರಗಳಿಗೆ ಸಂಬಂಧಿಸಿದಂತೆ ಶೇ.52 ರಷ್ಟು ಜನರು ಜರ್ಮನಿಯ ಚಾಲ್ಸಿಲರ್ ಏಂಜೆಲಾ ಮಾರ್ಕೆಲ್ ಅವರ ಮೇಲೆ ವಿಶ್ವಾಸ ಹೊಂದಿರುವುದಾಗಿ ಹೇಳಿದ್ದಾರೆ.  ಫ್ರಾನ್ಸ್ ಅಧ್ಯಕ್ಷರ ಪರ ಶೇ.46 ರಷ್ಟು ಮತಗಳು ಬಂದಿದ್ದು ಕ್ಸೀ ಜಿನ್ ಪಿಂಗ್ ಪರ ಶೇ.34, ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಪರ ಶೇ.30 ರಷ್ಟು ಮತಗಳು ಬಂದಿವೆ.