ಅಮೃತ್‌ಸರ್‌: ದಸರಾ ಹಬ್ಬದ ದಿನವೇ ಪಂಜಾಬ್ ನಲ್ಲಿ ಭೀಕರ ರೈಲು ಅಪಘಾತ ಸಂಭವಿಸಿದ್ದು ದುರಂತದಲ್ಲಿ 50ಕ್ಕೂ ಮಂದಿ ಸಾವನ್ನಪ್ಪಿದ್ದಾರೆ...

ಅಮೃತ್‌ಸರ್‌ದಲ್ಲಿ ದಸರಾ ಪ್ರಯುಕ್ತ ರಾವಣ ಪ್ರತಿಕೃತಿ ದಹನವನ್ನು ಮಾಡಲಾಗುತ್ತಿತ್ತು. ಇದನ್ನು ಕಾಣಲು ನೂರಾರು ಮಂದಿ ಸ್ಧಳದಲ್ಲಿ ಬೀಡುತ್ತಿದ್ದರು. ಇನ್ನು ಅನೇಕರು ರೈಲಿನ ಹಳಿ ಮೇಲೆ ನಿಂತಿದ್ದು ರೈಲು ಬಂದಿದ್ದು ಗಮನಿಸಲಿಲ್ಲ. ಈ ವೇಳೆ ರೈಲು ನಿಲ್ದಾಣದಲ್ಲಿ ನೆರೆದಿದ್ದವರ ಮೇಲೆ ರೈಲು ಹರಿದಿದ್ದು ಸದ್ಯ 50 ಮಂದಿ ಸಾವನ್ನಪ್ಪಿದ್ದಾರೆ. ಇನ್ನು ದುರಂತದಲ್ಲಿ ಹಲವು ಗಂಭೀರವಾಗಿ ಗಾಯಗೊಂಡಿದ್ದು ಸಾವಿನ ಸಂಖ್ಯೆ ನೂರರ ಗಡಿ ದಾಟಬಹುದು. 

ರೈಲು ದುರಂತದ ವೇಳೆ ಘಟನಾ ಸ್ಥಳದಲ್ಲಿ 500 ರಿಂದ 700 ಮಂದಿ ಸೇರಿದ್ದರು. ರಾವಣ ಪ್ರತಿಕೃತಿ ದಹನದ ವೇಳೆ ಪಟಾಕಿಗಳನ್ನು ಸಿಡಿಸಲಾಗಿತ್ತು. ಇದರಿಂದ ಅಲ್ಲಿ ನೆರೆದಿದ್ದವರಿಗೆ ರೈಲು ಬಂದಿರುವುದು ಗೊತ್ತಾಗದೆ ಈ ದುರಂತ ಸಂಭವಿಸಿದೆ. 

ಇನ್ನು ರೈಲು ದುರಂತದಲ್ಲಿ ಗಂಭೀರವಾಗಿ ಗಾಯಗೊಂಡಿರುವವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.