ಬಾಘ್ಪಾಟ್: ಕೋತಿಗಳು ಮಾಡಿದ ಕೆಲಸದಿಂದ ವ್ಯಕ್ತಿ ತೀವ್ರವಾಗಿ ಗಾಯಗೊಂಡು ಮೃತಪಟ್ಟಿದ್ದು, ಕುಟುಂಬ ಸದಸ್ಯರು ಕೋತಿಗಳ ವಿರುದ್ಧ ಪ್ರಕರಣ ದಾಖಲಿಸುವಂತೆ ಆಗ್ರಹಿಸಿದ್ದಾರೆ.

ಉತ್ತರ ಪ್ರದೇಶದ ಬಾಘ್ಪಾಟ್ ನಲ್ಲಿ ಈ ಘಟನೆ ನಡೆದಿದ್ದು ವ್ಯಕ್ತಿಯೋರ್ವ ಇಟ್ಟಿಗೆ ರಾಶಿಯ ಬಳಿ ವಿಶ್ರಾಂತಿ ತೆಗೆದುಕೊಳ್ಳುತ್ತಿದ್ದರು. ಈ ವೇಳೆ ಕೆಲವು ಕೋತಿಗಳು ಇಟ್ಟಿಗೆ ರಾಶಿಯ ಮೇಲೆ ಬಂದು ಜಿಗಿದಿವೆ. ಇಟ್ಟಿಗೆ ರಾಶಿ ಕುಸಿದು ವ್ಯಕ್ತಿಯ ಮೇಲೆ ಬಿದ್ದು ಆತ ಮೃತಪಟ್ಟಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. 

ಕೋತಿಗಳ ಕೆಲಸಕ್ಕೆ ಅವುಗಳ ವಿರುದ್ಧ ಎಫ್ಐಆರ್ ದಾಖಲಿಸಬೇಕೆಂದು ಕುಟುಂಬ ಸದಸ್ಯರು ಆಗ್ರಹಿಸಿದ್ದಾರೆ. ಆದರೆ ಕುಟುಂಬ ಸದಸ್ಯರಲ್ಲಿ ಒಬ್ಬೊಬ್ಬರು ಒಂದೊಂದು ರೀತಿಯ ಮಾಹಿತಿ ನೀಡುತ್ತಿದ್ದು, ಮೃತರ ಸಹೋದರನ ಪ್ರಕಾರ ತನ್ನ ಸಹೋದರ ಹೋಮ-ಹವನಕ್ಕಾಗಿ ಕಟ್ಟಿಗೆ ತರಲು ಹೋಗಿದ್ದರು. ಈ ವೇಳೆ ಕೋತಿಗಳು ಆತನ ಮೇಲೆ ಕಲ್ಲು ತೂರಾಟ ಮಾಡಿ ದಾಳಿ ಮಾಡಿವೆ ಎಂದು ಹೇಳಿದ್ದಾರೆ.