ನವದೆಹಲಿ: ಬೆಕ್ಕಿಗೆ ಚೆಲ್ಲಾಟ, ಇಲಿಗೆ ಪ್ರಾಣ ಸಂಕಟ ಎಂಬಂತೆ ಸುರಕ್ಷತಾ ಅಧಿಕಾರಗಳ ಮಾತನ್ನು ಕೇಳದೆ ಅಪಾಯಕಾರಿ ಸೆಲ್ಫಿಯನ್ನು ತೆಗೆದುಕೊಳ್ಳಲು ಮಹಾರಾಷ್ಟ್ರ ಸಿಎಂ ಪತ್ನಿ ಮುಂದಾಗಿದ್ದು ಸಿಎಂ ಪತ್ನಿಯ ಈ ನಡೆ ಇದೀಗ ಟೀಕೆಗೆ ಗುರಿಯಾಗಿದೆ. 

 ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಪತ್ನಿ ಅಮೃತ ಸೆಲ್ಫಿ ತೆಗೆದುಕೊಳ್ಳಲು ಹೋಗಿ ಜೀವವನ್ನೇ ಪಣಕ್ಕೆ ಒಡ್ಡಿದ್ದರು. ಈ ವಿಡಿಯೋ ಇದೀಗ ವೈರಲ್ ಆಗಿದೆ.

ಮುಂಬೈ-ಗೋವಾ ಕ್ರೂಝ್ ಸೇವೆ(ಬೋಟ್ ಸೇವೆ)ಯನ್ನು ಉದ್ಘಾಟಿಸಿದ ಅಮೃತ ಫಡ್ನಾವಿಸ್ ಅವರು ನಂತರ ರಕ್ಷಣಾ ಅಧಿಕಾರಿಗಳ ಎಚ್ಚರಿಕೆಯನ್ನು ನಿರ್ಲಕ್ಷಿಸಿ, ಸುರಕ್ಷಾ ನಿಯಮವನ್ನು ಮುರಿದು ಅಪಾಯದ ಸೆಲ್ಫಿ ತೆಗೆದುಕೊಂಡಿದ್ದಾರೆ. 

ಬೋಟ್ ನ ತುದಿಗೆ ಹೋಗುವುದು ಹೆಚ್ಚು ಅಪಾಯಕಾರಿ. ಬೋಟ್ ತೇಲಾಡುತ್ತಿರುವ ವೇಳೆ ಆಯಾತಪ್ಪಿ ಬೀಳುವ ಸಾಧ್ಯತೆ ಕೂಡ ಹೆಚ್ಚಿದೆ ಎಂದು ಎಚ್ಚರಿಕೆಯನ್ನು ಸುರಕ್ಷತಾ ಅಧಿಕಾರಿಗಳು ನೀಡಿದ್ದರೂ ಇದ್ಯಾವುದನ್ನು ಗಮನಕ್ಕೆ ತೆಗೆದುಕೊಳ್ಳದೇ ಸೆಲ್ಫಿ ತೆಗೆದುಕೊಳ್ಳುವಲ್ಲಿ ಅಮೃತ ಮಗ್ನರಾಗಿದ್ದಾರೆ.