ಡಿ.07 ರಂದು ರಾಜ್ಯ ವಿಧಾನಸಭಾ ಚುನಾವಣೆ ನಡೆಯಲಿದ್ದು, ಈ ಹಂತದಲ್ಲಿ ಇಬ್ಬರು ಪ್ರಮುಖ ನಾಯಕರಾದ ಎಸ್ ರಾಮುಲು ನಾಯ್ಕ್ ಹಾಗೂ ಟಿಎಸ್ ಆರ್ ಡಿಸಿ ಅಧ್ಯಕ್ಷ ಟಿ ನರಸಾ ರೆಡ್ಡಿ ಇಬ್ಬರೂ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಕಾಂಗ್ರೆಸ್ ಗೆ ಸೇರ್ಪಡೆಯಾಗಿದ್ದಾರೆ.  ಪಕ್ಷ ವಿರೋಧಿ ಚಟುವಟಿಕೆ ನಡೆಸಿದ ಹಿನ್ನೆಲೆಯಲ್ಲಿ ಈ ಇಬ್ಬರೂ ನಾಯಕರನ್ನ ಟಿಆರ್ ಎಸ್ ಕಳೆದ ವಾರ ಪಕ್ಷದಿಂದ ಅಮಾನತುಗೊಳಿಸಿತ್ತು. 

ಇದೇ ವೇಳೆ ಟಿಆರ್ ಎಸ್ ನ ಮತ್ತೋರ್ವ ನಾಯಕ ರಾಜ್ಯಸಭಾ ಸದಸ್ಯ ಡಿ ಶ್ರೀನಿವಾಸ್ ಸಹ ರಾಹುಲ್ ಗಾಂಧಿ ಅವರನ್ನು ಭೇಟಿ ಮಾಡಿದ್ದು, ಪಕ್ಷ ಸೇರುವುದಕ್ಕೆ ಉತ್ಸಾಹ ತೋರಿದ್ದಾರೆ. 1969 ರಲ್ಲಿ ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದ ಶ್ರೀನಿವಾಸ್ 2015 ರಲ್ಲಿ ಟಿಆರ್ ಎಸ್ ಸೇರ್ಪಡೆಗೊಂಡಿದ್ದರು.