ಚೆನ್ನೈ: ಎಣ್ಣೆ ಪಾರ್ಟಿ ಮಾಡಿ ಸಖತ್ ಆಗಿ ಕುಡಿದು ತೂರಾಡಿದ್ದು ನಾಲ್ವರು ಪಿಯು ವಿದ್ಯಾರ್ಥಿನಿಯರನ್ನು ಕಾಲೇಜು ಆಡಳಿತ ಮಂಡಳಿ ವಜಾ ಮಾಡಿದೆ. 

ತಮಿಳುನಾಡಿನ ಮೈಲಾಡುತುರೈನಲ್ಲಿರುವ ಖಾಸಗಿ ಕಾಲೇಜಿನ ಶಿಸ್ತು ಸಲಹಾ ಸಮಿತಿಯು ನಾಲ್ವರು ವಿದ್ಯಾರ್ಥಿನಿಯರನ್ನು ವಜಾ ಮಾಡಿದೆ. ಕಾಲೇಜು ವಿದ್ಯಾರ್ಥಿನಿಯ ಹುಟ್ಟುಹಬ್ಬ ಆಚರಿಸಿದ್ದರು. ಈ ವೇಳೆ ಸಹಪಾಠಿಗಳ ಸಹ ಜೊತೆ ಸೇರಿ ನಾಲ್ವರು ವಿದ್ಯಾರ್ಥಿನಿಯರು ಎಣ್ಣೆ ಸೇವಿಸಿದ್ದರು.

ಖುಷಿಯ ಸಂಭ್ರಮಕ್ಕಾಗಿ ಸಹ ವಿದ್ಯಾರ್ಥಿಗಳೇ ಇದನ್ನು ವಿಡಿಯೋ ಮಾಡಿದ್ದರು. ತಿಂಗಳ ಹಿಂದೆ ನಡೆದಿದ್ದ ಈ ಪಾರ್ಟಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಡಿಸೆಂಬರ್ 24ರಂದು ಕಾಲೇಜು ಆಡಳಿತ ಮಂಡಳಿಯ ಗಮನಕ್ಕೆ ಬಂದಿತ್ತು. 

ಕಾಲೇಜು ಹೊರಗಡೆ ಈ ಘಟನೆ ನಡೆದಿದ್ದರು ವಿದ್ಯಾರ್ಥಿನಿಯರ ಈ ವರ್ತನೆ ಇತರರಿಗೆ ಬಲವಾದ ಸಂದೇಶ ರವಾನಿಸುವುದರಿಂದ ಅವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಂಡಿರುವುದಾಗಿ ಕಾಲೇಜು ಮಂಡಳಿ ತಿಳಿಸಿದೆ.