ಪುಣೆ: ಇಲ್ಲಿನ ಮಂಚರ್ ತೆಹಸಿಲ್ ಬಳಿ 200 ಅಡಿ ಉದ್ದದ ಕೊಳವೆ ಬಾವಿಗೆ ಬಿದಿದ್ದ ಆರು ವರ್ಷದ ಬಾಲಕನನ್ನು ಸತತ 16 ಗಂಟೆಗಳ ಕಾರ್ಯಾಚರಣೆ ಬಳಿಕ ರಕ್ಷಿಸಲಾಗಿದೆ.
ರವಿ ಪಂಡಿತ್ ಬಿಲ್ ಎನ್ನುವ ಬಾಲಕ ನಿನ್ನೆ ಸಂಜೆ 5 ಗಂಟೆ ಸುಮಾರಿನಲ್ಲಿ ಕೊಳವೆ ಬಾವಿಗೆ ಬಿದಿದ್ದ ಎಂದು ಅಂಬೆಗಾನ್ ಠಾಣೆ ಎಸ್ ಹೆಚ್ ಒ ಮಾಹಿತಿ ನೀಡಿದ್ದಾರೆ.
ಈತನ ಪೋಷಕರು ರಸ್ತೆ ನಿರ್ಮಾಣ ಮಾಡುವ ಕೂಲಿ ಕಾರ್ಮಿಕರಾಗಿದ್ದು, ಆಟ ಆಡುತ್ತಿರುವುದಾಗಿ ಆಯಾತಪ್ಪಿ ಆತ ಬೋರ್ ವೆಲ್ ಕೆಳಗೆ ಬಿದಿದ್ದಾನೆ.
ಈ ಸುದ್ದಿ ತಿಳಿಯುತ್ತಿದ್ದಂತೆ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ ಹಾಗೂ ಪೊಲೀಸರು ಸ್ಥಳಕ್ಕೆ ಧಾವಿಸಿ ಕಾರ್ಯಾಚರಣೆ ನಡೆಸುವ ಮೂಲಕ ಬಾಲಕನನ್ನು ರಕ್ಷಿಸಿದಿದ್ದಾರೆ.
ಕಾರ್ಯಾಚರಣೆ ಕಠಿಣ ರೀತಿಯಿಂದ ಕೂಡಿತ್ತು. ಆ ಬಾಲಕನಿಗೆ ಯಾವುದೇ ರೀತಿಯ ತೊಂದರೆ ಆಗದ ರೀತಿಯಲ್ಲಿ ಕೊಳವೆ ಬಾವಿಯಿಂದ ರಕ್ಷಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.