ನವದೆಹಲಿ: ಇತ್ತೀಚಿಗೆ ಬಿರ್ ಬೂಮ್ ಗೆ ಭೇಟಿ ನೀಡಿದ್ದ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಇತರರೊಂದಿಗೆ ಬ್ಯಾಡ್ಮಿಂಟನ್ ಆಡಿದ್ದಾರೆ. ಈ ವಿಡಿಯೋವನ್ನು ಇಂದು ತಮ್ಮ ಇನ್ಸಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
"ಕ್ರೀಡೆಯನ್ನು ನಾವು ಪ್ರೀತಿಸಬೇಕು, ಹಳ್ಳಿಯೊಂದರಲ್ಲಿನ ಟೋಕನ್ ಗೇಮ್ " ಎಂಬ ಅಡಿಬರಹ ನೀಡಿ ಈ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. ಸಾಂಪ್ರದಾಯಿಕ ಬಿಳಿ ಸೀರೆ ಧರಿಸಿ, ಕೈ ತುಂಬ ಶಾಲು ಹೊದಿಕೊಂಡು ಇತರ ಮೂವರೊಂದಿಗೆ ಬ್ಯಾಡ್ಮಿಂಟನ್ ಆಡುವ ಮೂಲಕ ಕ್ರೀಡಾಪಟುಗಳಲ್ಲಿ ಉತ್ಸಾಹ ತುಂಬಿದ್ದಾರೆ.
ಈ ವಿಡಿಯೋ ಹಂಚಿಕೆಯಾದ ಒಂದು ಗಂಟೆ ಅವಧಿಯಲ್ಲೇ ಫೇಸ್ ಬುಕ್ ನಲ್ಲಿ 2500 ಬಾರಿ ಷೇರ್ ಆಗಿದ್ದು, 250ಕ್ಕೂ ಹೆಚ್ಚು ಮಂದಿ ಲೈಕ್ ಕೊಟ್ಟಿದ್ದಾರೆ.