ನಾಗಪುರ(ಮಹಾರಾಷ್ಟ್ರ): 70ನೇ ಗಣರಾಜ್ಯೋತ್ಸವ ಸಂಭ್ರಮಾಚರಣೆ ವೇಳೆ ವೇದಿಕೆ ಮೇಲೆ ನೃತ್ಯ ಮಾಡುತ್ತಿದ್ದ ಶಾಲಾ ಮಕ್ಕಳ ಮೇಲೆ ಕುಡಿದ ಮತ್ತಿನಲ್ಲಿ ಪೊಲೀಸಪ್ಪ ನೋಟುಗಳನ್ನು ಎಸೆದಿದ್ದಾನೆ.
ಗಣರಾಜ್ಯೋತ್ಸವ ದಿನದಂದೆ ಕುಡಿದು ಬಂದಿದ್ದ ಮಹಾರಾಷ್ಟ್ರದ ಪೊಲೀಸ್ ನಾಗಪುರದ ಶಾಲೆಯೊಂದರಲ್ಲಿ ಶಾಲಾ ಮಕ್ಕಳು ಡ್ಯಾನ್ಸ್ ಮಾಡುವಾಗ ವೇದಿಕೆ ಮೇಲೆ ಬಂದಿದ್ದಾನೆ. ನಂತರ ಜೇಬಿನಿಂದ ದುಡಿನ ಕಂತೆಯನ್ನು ತೆಗೆದು ಮಕ್ಕಳ ಮೇಲೆ ಎಸೆದಿದ್ದಾನೆ.
ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಪೊಲೀಸಪ್ಪ ಇವರನ್ನು ಶಾಲಾ ಮಕ್ಕಳು ಅಂದುಕೊಂಡಿದ್ದಾನಾ? ಅಥವಾ ಬಾರ್ ಡ್ಯಾನ್ಸರ್ಸ್ ಅಂದುಕೊಂಡಿದ್ದಾನಾ ಎಂದು ಕಿಡಿಕಾರಿದ್ದಾರೆ.
ಶಾಲಾ ಮಕ್ಕಳ ಮೇಲೆ ನೋಟುಗಳನ್ನು ಎಸೆದಿರುವುದಕ್ಕೆ ಸಂಬಂಧಿಸಿದಂತೆ ಪೊಲೀಸಪ್ಪನ್ನು ಅಮಾನತು ಮಾಡಲಾಗಿದೆ.