ಅಹ್ಮದಾಬಾದ್: ರಜೆಯ ಖುಷಿಯಲ್ಲಿ ಜಾಲಿ ರೈಡ್ ಗೆ ಬಂದಿದ್ದಾಗ ಸಂಭವಿಸಿದ ದುರಂತದಲ್ಲಿ ಇಬ್ಬರು ಸಾವನ್ನಪ್ಪಿದ್ದು 15 ಜನರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಅಹ್ಮದಾಬಾದ್ ನಲ್ಲಿ ನಡೆದಿದೆ.
ಕಂಕರಿಯಾ ಲೇಕ್ ಫ್ರಾಂಟ್ ನಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಪ್ರವಾಸಿಗರು ಪೆಂಡುಲಮ್ ರೈಡ್ ಮಾಡುವಾಗ ಕೇಬಲ್ ತಂತಿಗಳು ಕಿತ್ತು ಹೋಗಿ ಈ ಅನಾಹುತ ಸಂಭವಿಸಿದ್ದು ಪರಿಣಾಮ ಇಬ್ಬರು ಘಟನಾ ಸ್ಥಳದಲ್ಲೇ ಮೃತಪಟ್ಟಿದ್ದು ಮೂವರ ಸ್ಥಿತಿ ಗಂಭೀರವಾಗಿದೆ.
ಮೃತರನ್ನು 24 ವರ್ಷದ ಮನಾಲಿ ರಾಜ್ವಾದಿ ಮತ್ತು 22 ವರ್ಷದ ಮೊಹಮ್ಮದ್ ಜಹೀದ್ ಮೊಮಿನ್ ಎಂದು ಗುರುತಿಸಲಾಗಿದೆ. ಇನ್ನು ಗಂಭೀರವಾಗಿ ಗಾಯಗೊಂಡಿರುವವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.