ಲಡಾಕ್ ಪ್ರದೇಶದಲ್ಲಿ ಗಡಿ ಕ್ಯಾತೆ ತೆಗೆದಿರುವ ಚೀನಾ ಭಾರತಕ್ಕೆ ಸೇರಿದ 60 ಕಿ.ಮೀ ಪ್ರದೇಶವನ್ನು ಆಕ್ರಮಿಸಿಕೊಂಡಿದೆ.

ಕಾರ್ಗಿಲ್ n ಪಾಕಿಸ್ತಾನ ಕ್ಯಾತೆ ತೆಗೆದ ಮಾದರಿಯಲ್ಲೇ ಚೀನಾ ಲಡಾಕ್ ನಲ್ಲಿ ಕ್ಯಾತೆ ತೆಗೆದಿದೆ.  ಗಾಲ್ವಾನ್ ನದಿ ಕಣಿವೆಗೆ ನುಗ್ಗಿರುವ ಚೀನಾದ ಪಿಎಲ್ಎ ಸೈನಿಕರು ಆಯಕಟ್ಟಿನ ಧರ್ಬುಕ್--ಷ್ಯೋಕ್- ದೌಲತ್-ಬೇಗ್ ಒಲ್ಡೀ (ಡಿಎಸ್ ಡಿಬಿಓ) ಹೆದ್ದಾರಿಯನ್ನು ಗುರಿಯಾಗಿರಿಸಿಕೊಂಡಿದ್ದು ಸಬ್-ಸೆಕ್ಟರ್ ನಾರ್ತ್ ಜೊತೆಗಿನ ಸೇನಾ ಸಂಪರ್ಕವನ್ನು ಕಡಿತಗೊಳಿಸಲು ಯತ್ನಿಸುತ್ತಿದೆ. 

ಡಿಎಸ್ ಡಿಬಿಓ ರಸ್ತೆಯಿಂದ ಕೇವಲ ಒಂದುವರೆ ಕಿ.ಮೀ ದೂರದಲ್ಲಿರುವ ಷ್ಯೋಕ್ ನದಿಯ ಬಳಿ ಚೀನಾ ಸೇನೆ ಸ್ಥಾಪನೆಯಾಗಿದ್ದು, ಭಾರತಕ್ಕೆ ಸೇರಿದ ೬೦ ಚದರ ಕಿಲೋಮೀಟರ್ ನಷ್ಟು ಭೂ ಭಾಗವನ್ನು ಆಕ್ರಮಿಸಿಕೊಂಡಿರುವುದು ಈಗ ಬಹಿರಂಗವಾಗಿದೆ.