ತಿರುಮಲ: ತಿರುಪತಿ ತಿರುಮಲ ದೇವಾಲಯದಲ್ಲಿ ದೇವರ ದರ್ಶನ ಪಡೆದಿದ್ದ ವ್ಯಕ್ತಿಯೊಬ್ಬರಲ್ಲಿ ಕೊರೋನಾ ಪಾಸಿಟಿವ್ ಪತ್ತೆಯಾಗಿದ್ದು. ತಿರುಮಲದ ಬಾಲಾಜಿ ನಗರದ ನಿವಾಸಿಯಾದ ಆತ ಕಾಣೆಯಾಗಿದ್ದಾನೆ.

32 ವರ್ಷದ ವ್ಯಕ್ತಿಗಾಗಿ ತಿರುಮಲ ಮತ್ತು ತಿರುಪತಿಯಲ್ಲಿ ಶೋಧ ನಡೆಸಲಾಗುತ್ತಿದೆ.ಟಿಟಿಡಿಯ ಮೂರು ದಿನಗಳ ಪ್ರಯೋಗಾತ್ಮಕ ದರ್ಶನದಲ್ಲಿ ಆತ ದೇವರ ದರ್ಶನ ಪಡೆದಿದ್ದ.

ಬಾಲಾಜಿ ನಗರದ ವ್ಯಕ್ತಿ ಚೆನ್ನೈ ನ ಖಾಸಗಿ ಚಾನೆಲ್ ವೊಂದರಲ್ಲಿ ಕೆಲಸ ಮಾಡುತ್ತಿದ್ದಾನೆ,ಕಳೆದ 2 ತಿಂಗಳಿಂದ ತಿರುಮಲದಲ್ಲಿ ವಾಸವಿದ್ದ ಆತ, ಇತ್ತೀಚೆಗೆ ಚೈನ್ನೈ ಗೆ ಭೇಟಿ ನೀಡಿದ್ದ.

ಭಾನುವಾರ ಆತ ತಿರುಪತಿಗೆ ಬರುವಾಗ ಅಲಿಪಿರಿ ಚೆಕ್ ಪೋಸ್ಟ್ ನಲ್ಲಿ ಪರೀಕ್ಷೆಗಾಗಿ ಗಂಟಲು ದ್ರವದ ಮಾದರಿ ನೀಡಿದ್ದ. ಪರೀಕ್ಷೆ ವರದಿ ಬಂದಿದ್ದು ಕೊರೋನಾ ಪಾಸಿಟಿವ್ ಬಂದಿದೆ. ಕೂಡಲೇ ತಿರುಮಲ ಆರೋಗ್ಯಾಧಿಕಾರಿಗಳು ಆತನ ಮನೆಗೆ ದಾವಿಸಿದ್ದಾರೆ, ಆದರೆ ಆತ ಮನೆಯಲ್ಲೂ ಇಲ್ಲ, ಆತನನ್ನು ಸಂಪರ್ಕಿಸಲೂ ಸಾಧ್ಯವಾಗುತ್ತಿಲ್ಲ, ಜೂನ್ 10 ರಂದು ಆತ ದರ್ಶನ ಪಡೆದಿದ್ದ.