ನವದೆಹಲಿ: ಭಾರತ ಖರೀದಿಸಿರುವ 36 ರಾಫೆಲ್ ಫೈಟರ್ ಜೆಟ್ ಗಳ ಪೈಕಿ 4 ರಾಫೆಲ್ ಗಳು ಜುಲೈ ತಿಂಗಳಾಂತ್ಯಕ್ಕೆ ಭಾರತಕ್ಕೆ ಆಗಮಿಸಲಿವೆ. 

ಕೊರೋನಾ ಭೀತಿಯ ನಡುವೆಯೂ ಇದು ಭಾರತದ ಮಟ್ಟಿಗೆ ಸಂತಸದ ಸುದ್ದಿಯಾಗಿದೆ. ಕೋವಿಡ್-19 ರ ಕಾರಣದಿಂದಾಗಿಯೇ ರಾಫೆಲ್ ಗಳ ಆಗಮನ 11 ವಾರ ವಿಳಂಬವಾಗಿದ್ದು, ಮೇ ತಿಂಗಳ ಮೊದಲ ವಾರದಲ್ಲಿ ಬರಬೇಕಿದ್ದ ರಾಫೆಲ್ ಜೆಟ್ ಗಳು ಜುಲೈ ತಿಂಗಳಾಂತ್ಯಕ್ಕೆ ಭಾರತ ತಲುಪುತ್ತಿವೆ.

58,000 ಕೋಟಿ ರೂಪಾಯಿ ಮೊತ್ತದ 36 ರಾಫೆಲ್ ಜೆಟ್ ಗಳ ಖರೀದಿಗೆ 2016 ರಲ್ಲಿ ಭಾರತ ಸರ್ಕಾರ ಫ್ರಾನ್ಸ್ ಸರ್ಕಾರದ ಜೊತೆಗೆ ಒಪ್ಪಂದ ಮಾಡಿಕೊಂಡಿತ್ತು.