ಜಬಲ್ಪುರ(ಮಧ್ಯಪ್ರದೇಶ): ದುಬಾರಿ ಬೆಲೆಯ ಈ ಒಂದು ಮಾವಿನ ಹಣ್ಣಿನ ಬೆಲೆ ಬರೋಬ್ಬರಿ 21 ಸಾವಿರ ರೂಪಾಯಿ ಆಗಿದ್ದು ಮಾಲೀಕರು ಇದೀಗ ಇದರ ರಕ್ಷಣೆಗೆ 9 ನಾಯಿ ಮತ್ತು ಮೂವರು ಭದ್ರತಾ ಸಿಬ್ಬಂದಿಯನ್ನು ನೇಮಿಸಿಕೊಂಡಿದ್ದಾರೆ.

ಮಧ್ಯಪ್ರದೇಶದ ಜಬಲ್ಪುರದಲ್ಲಿ ಈ ದುಬಾರಿ ಬೆಲೆಯ ಮಾವಿನ ಹಣ್ಣನ್ನು ಬೆಳೆದಿದ್ದಾರೆ. ಈ ಮರಗಳು ಜಪಾನಿನ ವೈವಿಧ್ಯಮ ಮಾವಿನಕಾಯಿ ತೈಯೊ ನೋ ತಮಾಗೊ ಮರಗಳಿಗೆ ಹೋಲುತ್ತವೆ. ಇದು ವಿಶ್ವದ ಅತ್ಯಂತ ದುಬಾರಿ ಹಣ್ಣುಗಳಲ್ಲಿ ಒಂದಾಗಿದೆ. ಇದನ್ನು ನಿಯಂತ್ರಿತ ಪರಿಸರದಲ್ಲಿ ಬೆಳೆಸಲಾಗುತ್ತದೆ.

ಜಬಲ್ಪುರ ನಿವಾಸಿ ಸಂಕಲ್ಪ ಸಿಂಗ್ ಪರಿಹಾರ್ ಚಾರ್ಗವಾನ್ ರಸ್ತೆಯಲ್ಲಿರುವ ತನ್ನ 12 ಎಕರೆ ಜಮೀನಿನಲ್ಲಿ 1,100 ಮಾವಿನ ಮರಗಳನ್ನು ಬೆಳೆದಿದ್ದಾರೆ. ಇವುಗಳಲ್ಲಿ 50 ಮರಗಳು ತೈಯೊ ನೋ ತಮಾಗೊಗೆ ಹೋಲುವ ತಳಿಗೆ ಸೇರಿದೆ. ಈ 50 ಮರಗಳಲ್ಲಿ ಪ್ರಸ್ತುತ ಕೇವಲ ಮೂರರಿಂದ ನಾಲ್ಕು ಹಣ್ಣುಗಳಿವೆ. ಈ ಮರಗಳನ್ನು ಭದ್ರಪಡಿಸಿಕೊಳ್ಳಲು, ನಾವು ಮೂರು ಕಾವಲುಗಾರರು ಮತ್ತು ಆರು ಜರ್ಮನ್ ನಾಯಿಗಳು ಸೇರಿದಂತೆ ಒಂಬತ್ತು ನಾಯಿಗಳನ್ನು ಭದ್ರತೆಗೆ ಬಳಸಲಾಗುತ್ತಿದೆ ಎಂದು ಪರಿಹಾರ್ ಹೇಳಿದರು.

ಓರ್ವ ವ್ಯಾಪಾರಿ ಒಂದು ಹಣ್ಣಿಗೆ 21,000 ರೂ.ಗಳಿಗೆ ಮಾರಾಟವಾಗಿದೆ. ಈ ರೀತಿಯ ಮಾವಿನ ಹಣ್ಣನ್ನು ಕೆಜಿಗೆ ಈ ಹಿಂದೆ 2.70 ಲಕ್ಷ ರೂ.ಗೆ ಮಾರಾಟ ಮಾಡಿರುವ ಮಾಹಿತಿ ಅಂತರ್ಜಾಲದಲ್ಲಿ ಹುಡುಕಿದಾಗ ಸಿಕ್ಕಿತ್ತು. ಈ ಮಾವಿನಹಣ್ಣನ್ನು ಕದಿಯುವ ಪ್ರಯತ್ನ ನಡೆದಿತ್ತು. ಹೀಗಾಗಿ ಜಮೀನಿನಲ್ಲಿ ಭದ್ರತೆ ಹೆಚ್ಚಿಸಲಾಗಿದೆ ಎಂದು ಪರಿಹಾರ್ ಹೇಳಿದರು.

ಸುಮಾರು ಐದು ವರ್ಷಗಳ ಹಿಂದೆ ಪರಿಹಾರ್ ತಮಗೆ ಅರಿವಿಲ್ಲದ ಮಾವಿನ ತಳಿಯ 100 ಸಸಿಗಳನ್ನು ಚೆನ್ನೈನಿಂದ 2.5 ಲಕ್ಷ ರೂ.ಗೆ ತಂದಿದ್ದರು. ಈ ಪೈಕಿ 52 ಮರಗಳು ಉಳಿದುಕೊಂಡಿವೆ. ಈ ಅಪರೂಪದ ವಿಧದ ಹಣ್ಣುಗಳನ್ನು ಮಾರಾಟ ಮಾಡುವ ಉದ್ದೇಶ ನನಗಿರಲಿಲ್ಲ. ನನಗೆ ಹಣ್ಣಿನ ತೋಟವನ್ನು ಬೆಳೆಯಬೇಕೆಂದಿತ್ತು ಅಷ್ಟೆ ಎಂದು ಹೇಳಿದ್ದಾರೆ. 

ತೈಯೊ ನೋ ತಮಾಗೋ(ಸೂರ್ಯನ ಮೊಟ್ಟೆ) ಜಪಾನಿನ ವಿಶೇಷ ವಿಧದ ಮಾವಿನಕಾಯಿಯಾಗಿದ್ದು, ಇದನ್ನು ಜಪಾನ್‌ನಲ್ಲಿ ನಿಯಂತ್ರಿತ ಪರಿಸರದಲ್ಲಿ ಬೆಳೆಯಲಾಗುತ್ತದೆ. ಇದು ವಿಶ್ವದ ಅತ್ಯಂತ ದುಬಾರಿಯಾಗಿದೆ. ಈ ಮಾವುಗಳಲ್ಲಿ ಉತ್ಕರ್ಷಣ ನಿರೋಧಕಗಳು, ಫೋಲಿಕ್ ಆಮ್ಲ ಮತ್ತು ಬೀಟಾ-ಕ್ಯಾರೋಟಿನ್ ಸಮೃದ್ಧವಾಗಿದೆ.