ಬರ್ವಾನಿ: ಸ್ಕೂಲ್ ಬಸ್ ಗೆ ಸಿಕ್ಕು 2 ವರ್ಷದ ಹೆಣ್ಣು ಮಗು ಸಾವನ್ನಪ್ಪಿರುವ ದಾರುಣ ಘಟನೆ ಮಧ್ಯಪ್ರದೇಶದ ಬರ್ವಾನಿ ಜಿಲ್ಲೆಯ ಗಂಧವಲ್ ಎಂಬಲ್ಲಿ ನಡೆದಿದೆ. 

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಭೀಕರ ಅಪಘಾತ: ಟಿಪ್ಪರ್ ಹರಿದು ತಾಯಿ, ಮಗು ಸಾವು

ನತದೃಷ್ಟ ತಂದೆ ತನ್ನ ಹಿರಿಯ ಮಗನನ್ನು ಶಾಲೆ ಬಸ್ ನಿಂದ ಕರೆ ತರಲು ಹೊರಬಂದಿದ್ದರು. ಅದೇ ವೇಳೆ 2 ವರ್ಷದ ಅವರ ಪುಟ್ಟ ಮಗಳು ಯಶಿಕಾ ಹಿಂಬಾಲಿಸಿಬಂದಿದ್ದಳು. ಇತ್ತ ತಂದೆ ಸ್ಕೂಲ್ ಬಸ್ ಬಾಗಿಲಿನಿಂದ ತಮ್ಮ ಮಗನನ್ನು ಇಳಿಸುತ್ತಿದ್ದರೆ ಆತ್ತ ಯಶಿಕಾ ಸ್ಕೂಲ್ ಬಸ್ ಎದುರು ಹೋಗಿ ನಿಂತಿದ್ದಳು.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಭೀಕರ ಅಪಘಾತ: ನಜ್ಜುಗುಜ್ಜಾದ ಕಾರು, ಏರ್ ಬ್ಯಾಗ್ ನಿಂದ ಉಳಿಯಿತು ಜೀವ 

ಆಕೆ ಬಸ್ ಮುಂದುಗಡೆ ಇರುವುದು ಯಾರಿಗೂ ತಿಳಿಯಲೇ ಇಲ್ಲ. ಮಕ್ಕಳು ಬಸ್ ನಿಂದ ಇಳಿದ ನಂತರ ಬಸ್ ಚಾಲಕ ಬಸ್ ಅನ್ನು ಸ್ಟಾರ್ಟ್ ಮಾಡಿ ಮುಂದಕ್ಕೆ ಚಲಿಸಿದ್ದಾನೆ. ಆ ವೇಳೆಗೆ ಅನಾಹುತ ಸಂಭವಿಸಿ ಹೋಗಿತ್ತು. ಬಸ್ ಅಡಿ ಸಿಕ್ಕ ಮಗುವಿನ ದೇಹ ನಜ್ಜುಗುಜ್ಜಾಗಿತ್ತು. 

ಇದನ್ನೂ ಓದಿ: ಮೈಸೂರು: ಕಾರಿನ ಟೈರ್​ ಬ್ಲಾಸ್ಟ್​ ಆಗಿ ಅಪಘಾತ, ತಾಯಿ, ಮಗ ಸಾವು

ಸುತ್ತಮುತ್ತಲಿನ ಸಾರ್ವಜನಿಕರು ಬಸ್ ಎದುರು ಮಗು ಇರುವುದಾಗಿ ಕಿರುಚುತ್ತಾ ಮುನ್ನುಗ್ಗಿ ಬಂದರು. ಆ ವೇಳೆಗೆ ಆತಂಕಗೊಂಡ ಬಸ್ ಚಾಲಕ ಬಸ್ ಚಲಿಸುತ್ತಿರುವಂತೆಯೇ ಡೋಋ ತೆಗೆದು ಹಾರಿ ಪರಾರಿಯಾಗಿದ್ದಾನೆ.