ತಿರುವನಂತಪುರಂ: ಕೇರಳದಲ್ಲಿ 15,951 ಹೊಸ ಕೋವಿಡ್-19 ಪ್ರಕರಣಗಳು ವರದಿಯಾಗಿದ್ದು 165 ಮಂದಿ ಒಂದೇ ದಿನ ಕೋವಿಡ್-19 ನಿಂದ ಸಾವನ್ನಪ್ಪಿದ್ದಾರೆ.

ಶನಿವಾರದಂದು 17,658 ಮಂದಿ ಚೇತರಿಸಿಕೊಂಡಿದ್ದು, ಒಟ್ಟಾರೆ ಕೇರಳದಲ್ಲಿ ಈ ವರೆಗೂ 44,41,430 ಮಂದಿ ಚೇತರಿಸಿಕೊಂಡಿದ್ದರೆ, ಒಟ್ಟಾರೆ ಸಕ್ರಿಯ ಪ್ರಕರಣಗಳ ಸಂಖ್ಯೆ 1,63,280ಗೆ ಏರಿಕೆಯಾಗಿದೆ.

ಕಳೆದ 24 ಗಂಟೆಗಳಲ್ಲಿ 1,03,484 ಮಾದರಿಗಳನ್ನು ಸಂಗ್ರಹಿಸಲಾಗಿದೆ. ಕೇರಳದಲ್ಲಿ ಎರ್ನಾಕುಲಮ್ ನಲ್ಲಿ ಅತಿ ಹೆಚ್ಚು ಪ್ರಕರಣಗಳು (2,572) ವರದಿಯಾಗಿದ್ದು, ನಂತರದ ಸ್ಥಾನದಲ್ಲಿ ತಿರುವನಂತಪುರಂ-1,861 ಪ್ರಕರಣ, ತ್ರಿಶೂರ್-1,855 ಪ್ರಕರಣ, ಕೊಟ್ಟಾಯಂ-1,486 ಪ್ರಕರಣ,  ಕೋಯಿಕ್ಕೋಡ್ 1,379 ಪ್ರಕರಣ, ಮಳಪ್ಪುರಂ ನಲ್ಲಿ 1,211 ಪ್ರಕರಣ, ಪಾಲಕ್ಕಾಡ್ ನಲ್ಲಿ 1,008 ಪ್ರಕರಣ ಅಲಪ್ಪುಳ-985, ಕೊಲ್ಲಂ ನಲ್ಲಿ 954 ಪ್ರಕರಣಗಳು ವರದಿಯಾಗಿದೆ.