ನವದೆಹಲಿ: ಖ್ಯಾತ ಹಿರಿಯ ಪತ್ರಕರ್ತ ಟಿಜೆಎಸ್ ಜಾರ್ಜ್ ಅವರು ಪ್ರತಿಷ್ಟಿತ 'ಮುಂಬೈ ಪ್ರೆಸ್ ಕ್ಲಬ್‌'ನ ಜೀವಮಾನ ಸಾಧನೆ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಸಂಪಾದಕರಾಗಿ ಮತ್ತು ಅಂಕಣಕಾರರಾಗಿ ಅವರು ಸಲ್ಲಿಸಿದ ವಿಶಿಷ್ಟ ವೃತ್ತಿಜೀವನ ಸೇವೆಗಾಗಿ ಜೀವಮಾನ ಸಾಧನೆಗಾಗಿ ಮುಂಬೈ ಪ್ರೆಸ್ ಕ್ಲಬ್‌ನ ರಾಷ್ಟ್ರೀಯ ರೆಡ್‌ಇಂಕ್ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. 1960 ರ ದಶಕದಲ್ಲಿ, ಜಾರ್ಜ್ (94 ವರ್ಷ) ಅವರು ಪಾಟ್ನಾ-ಪ್ರಧಾನ ಪತ್ರಿಕೆ ದಿ ಸರ್ಚ್‌ಲೈಟ್‌ನ ಸಂಪಾದಕರಾಗಿದ್ದರು, ಜಾರ್ಜ್ ಅವರು ಸ್ಥಾಪನೆಯ ವಿರೋಧಿ ನಿಲುವಿಗೆ ಹೆಸರುವಾಸಿಯಾಗಿದ್ದಾರೆ ಎಂದು ಕ್ಲಬ್‌ನ ಪ್ರಕಟಣೆ ತಿಳಿಸಿದೆ.
ಇದನ್ನೂ ಓದಿ: ಜನತೆ ನಿಮ್ಮನ್ನು ಸ್ಮರಿಸಲು ಶಾಶ್ವತ ಕೊಡುಗೆಗಳ ನೀಡಿ: ರಾಜಕೀಯ ನಾಯಕರಿಗೆ ಹಿರಿಯ ಪತ್ರಕರ್ತ ಟಿಜೆಎಸ್ ಜಾರ್ಜ್
ಬಿಹಾರದ ಕೆಬಿ ಸಹಾಯ್ ನೇತೃತ್ವದ ಸರ್ಕಾರದಲ್ಲಿ ಭ್ರಷ್ಟಾಚಾರದ ವಿರುದ್ಧ ಪತ್ರಿಕೆಯ ತನ್ನ ಕಾರ್ಯಾಚರಣೆ ಮುನ್ನಡೆಸಿದ್ದಕ್ಕಾಗಿ, ಜಾರ್ಜ್ ಅವರು ಹಜಾರಿಬಾಗ್ ಸೆಂಟ್ರಲ್ ಜೈಲಿನಲ್ಲಿ ಮೂರು ವಾರಗಳ ಕಾಲ ಬಂಧನಕ್ಕೀಡಾಗಿದ್ದರು.
2021 ರ ಪ್ರೆಸ್ ಕ್ಲಬ್‌ನ 'ವರ್ಷದ ಪತ್ರಕರ್ತ' ಪ್ರಶಸ್ತಿ ಪಡೆದಿದ್ದ ಜಾರ್ಜ್ ಅವರು ದೈನಿಕ್ ಭಾಸ್ಕರ್‌ನ ರಾಷ್ಟ್ರೀಯ ಸಂಪಾದಕ ಓಂ ಗೌರ್ ಅವರು ವರದಿಗಾರರು ಮತ್ತು ಛಾಯಾಗ್ರಾಹಕರ ತಂಡವನ್ನು ಮುನ್ನಡೆಸಿದ್ದರು, "ಉತ್ತರ ಪ್ರದೇಶ ಪಟ್ಟಣಗಳು ಮತ್ತು ಗಂಗಾ ನದಿಯ ಉದ್ದಕ್ಕೂ ಸಂಭವಿಸಿದ ಕೋವಿಡ್ ಸಾವುಗಳ ದುರಂತವನ್ನು ದಣಿವರಿಯಿಲ್ಲದೆ ಬಹಿರಂಗಪಡಿಸಿದ್ದರು ಎಂದು ಪ್ರಕಟಣೆ ತಿಳಿಸಿದೆ.
12 ವಿಭಾಗಗಳಲ್ಲಿ 24 ಇತರ ವಿಜೇತರೊಂದಿಗೆ ಈ ಪ್ರಶಸ್ತಿಗಳನ್ನು ಡಿಸೆಂಬರ್ 16 ರಂದು ಮುಂಬೈನಲ್ಲಿ ಪ್ರದಾನ ಮಾಡಲಾಗುತ್ತದೆ.