ನವದೆಹಲಿ: ಆಮ್ ಆದ್ಮಿ ಪಕ್ಷ ಶನಿವಾರ ಪ್ರಧಾನಿ ನರೇಂದ್ರ ಮೋದಿ ಅವರ ಹುಟ್ಟು ಹಬ್ಬಕ್ಕೆ ವ್ಯಂಗ್ಯ ಶುಭಾಶಯ ಕೋರಿದೆ.
ಹುಟ್ಟು ಹಬ್ಬಕ್ಕೆ ಶುಭ ಹಾರೈಸಿರುವ ಸಂದೇಶದಲ್ಲಿ ಆಮ್ ಆದ್ಮಿ ಪಕ್ಷ ಪ್ರಧಾನಿ ಮೋದಿ ಅವರನ್ನು ನವೋದ್ಯಮಿ-ಮುಖ್ಯಸ್ಥ, ತಂತ್ರಜ್ಞಾನಕ್ಕೆ ವಿಪರೀತವಾಗಿ ಸಮರ್ಪಿಸಿಕೊಂಡಿರುವ ವ್ಯಕ್ತಿ ಹಾಗೂ ಶ್ರೇಷ್ಠ ವಿಜ್ಞಾನಿ ಎಂದು ವ್ಯಂಗ್ಯವಾಗಿ ಟ್ವಿಟರ್ ಹ್ಯಾಂಡಲ್ ನಲ್ಲಿ ಹಾಕಿರುವ ಸಂದೇಶದಲ್ಲಿ ಕೊಂಡಾಡಿದೆ.
ಈ ಸಂದೇಶದೊಂದಿಗೆ ಪ್ರಧಾನಿ ಮೋದಿ ಸುದ್ದಿ ವಾಹಿನಿಗಳಿಗೆ ಸಂದರ್ಶನ ನೀಡಿರುವ ಹಳೆಯ ವಿಡೀಯೋ ತುಣುಗಳಲ್ಲಿ ಕಂಡು ಬರುವ ಯಡವಟ್ಟುಗಳನ್ನು ಟ್ವೀಟ್ ಮಾಡಿ ತಿವಿದಿದೆ.
ಮೋದಿ ಸಂದರ್ಶನವೊಂದರಲ್ಲಿ ತಾವು 1987-88 ರಲ್ಲಿ ಮೊದಲ ಬಾರಿಗೆ ಡಿಜಿಟಲ್ ಕ್ಯಾಮರ ಬಳಸಿ ಅದನ್ನು ದೆಹಲಿಗೆ ಇ-ಮೇಲ್ ಮೂಲಕ ಕಳಿಸಿದ್ದೆ. ಇ-ಮೇಲ್ ಆಗ ಕೆಲವೇ ಕೆಲವು ಮಂದಿಯ ಬಳಿ ಇತ್ತು ಎಂದು ಹೇಳಿದ್ದರು. ಆಮ್ ಆದ್ಮಿ ಪಕ್ಷದ ಟ್ವೀಟ್ ಗಳಿಗೆ ಬಿಜೆಪಿ ತಕ್ಷಣವೇ ಪ್ರತಿಕ್ರಿಯೆ ನೀಡಲಿಲ್ಲವಾದರೂ ಟ್ವಿಟರ್ ಬಳಕೆದಾರರು ತೀಕ್ಣವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.