ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ವಿದೇಶ ಪ್ರವಾಸ ಯಾವಾಗಲೂ ಚರ್ಚೆಯ ವಿಷಯವಾಗಿದ್ದು, ಪ್ರತಿಪಕ್ಷಗಳು ಮೋದಿ ವಿದೇಶದಲ್ಲೇ ಇರುತ್ತಾರೆ ಎಂದು ಟ್ರೋಲ್ ಮಾಡಿವೆ. ಮೋದಿ ವಿದೇಶ ಪ್ರವಾಸದಲ್ಲಿ ಹೆಚ್ಚಿನ ಪ್ರಚಾರ ಗಿಟ್ಟಿಸಿಕೊಳ್ಳುತ್ತಾರೆ ಎಂದು ವಿರೋಧ ಪಕ್ಷಗಳು ಆರೋಪಿಸಿವೆ.
ಪ್ರಧಾನಿ ಮೋದಿ ಅವರು ಈ ವರ್ಷವೂ ಹಲವು ದೇಶಗಳಿಗೆ ಭೇಟಿ ನೀಡಿದ್ದು, ಈ ಭೇಟಿ ದ್ವಿಪಕ್ಷೀಯ ಸಂಬಂಧವನ್ನು ಬಲಪಡಿಸಿರಬಹುದು. ಆದರೆ, ಅವರ ಪ್ರವಾಸವು ಸರ್ಕಾರದ ಬೊಕ್ಕಸಕ್ಕೆ ಸುಮಾರು 70.58 ಕೋಟಿ ರೂಪಾ ವೆಚ್ಚವನ್ನುಂಟು ಮಾಡಿದೆ.
2026 ರಲ್ಲಿ ಅಂದರೆ ಕಳೆದ 7 ತಿಂಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ವಿದೇಶ ಪ್ರವಾಸದ ವೆಚ್ಚವು 74.58 ಕೋಟಿ ರೂ.ಗಳಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ಖಾತೆ ರಾಜ್ಯ ಸಚಿವೆ ಪಬಿತ್ರ ಮಾರ್ಗರಿಟಾ ಅವರು ಗುರುವಾರ ರಾಜ್ಯಸಭೆಗೆ ಮಾಹಿತಿ ನೀಡಿದರು. ಆದರೆ 2021 ರಿಂದ ಅವರ ವಿದೇಶ ಪ್ರವಾಸಗಳ ಒಟ್ಟು ವೆಚ್ಚವು 550 ಕೋಟಿ ರೂ.ಗಳಿಗಿಂತ ಹೆಚ್ಚಾಗಿದೆ.
ಈ ವರ್ಷ ಲಭ್ಯವಿರುವ ಅಂಕಿಅಂಶಗಳಲ್ಲಿ ಅತಿ ಹೆಚ್ಚು ವೆಚ್ಚವೆಂದರೆ ಮೇ ತಿಂಗಳಲ್ಲಿ ಪ್ರಧಾನಿಯವರ ಐದು ರಾಷ್ಟ್ರಗಳ ಪ್ರವಾಸದ ವೆಚ್ಚ 17.46 ಕೋಟಿ ರೂ. ಮಾಡಲಾಗಿದೆ ಎಂದು ಮಾರ್ಗರಿಟಾ ಅವರು ಲಿಖಿತ ಉತ್ತರ ನೀಡಿದ್ದಾರೆ.
ಉತ್ತರದ ಪ್ರಕಾರ, ಪ್ರಧಾನಿ ಮೋದಿಯವರ ವಿದೇಶ ಪ್ರವಾಸಗಳ ವೆಚ್ಚವು 2025 ರಲ್ಲಿ 180 ಕೋಟಿ ರೂ., 2024 ರಲ್ಲಿ 109 ಕೋಟಿ ರೂ., 2023 ರಲ್ಲಿ 93 ಕೋಟಿ ರೂ., 2022 ರಲ್ಲಿ 55 ಕೋಟಿ ರೂ. ಮತ್ತು 2021 ರಲ್ಲಿ 36 ಕೋಟಿ ರೂ.ಗಳಿಗಿಂತ ಹೆಚ್ಚಾಗಿದೆ.