ಪುದುಕ್ಕೊಟ್ಟೈ (ತಮಿಳುನಾಡು): ಕಾಂಗ್ರೆಸ್ ಜೊತೆ ಭವಿಷ್ಯದಲ್ಲಿ ಯಾವುದೇ ಹೊಂದಾಣಿಕೆ ಮಾಡಿಕೊಳ್ಳುವ ಸಾಧ್ಯತೆಯನ್ನು ತಳ್ಳಿಹಾಕಿರುವ ಡಿಎಂಕೆ ಹಿರಿಯ ನಾಯಕ ಆರ್ಎಸ್ ಭಾರತಿ, ಮೈತ್ರಿಕೂಟದಿಂದ ಹೊರನಡೆಯುವುದನ್ನು 'ವ್ಯಭಿಚಾರ'ಕ್ಕೆ ಹೋಲಿಸಿದರು ಮತ್ತು ದ್ರಾವಿಡ ಪ್ರಮುಖ ಪಕ್ಷವು ಪಕ್ಷಾಂತರಿಗಳನ್ನು ಎಂದಿಗೂ ಮನ್ನಿಸುವುದಿಲ್ಲ ಎಂದು ಭಾನುವಾರ ಹೇಳಿದರು.
'ಕಾಂಗ್ರೆಸ್ ಇರುವ ಮೈತ್ರಿಕೂಟದಲ್ಲಿ ನಾವು ಇಲ್ಲ. ನಾನು ಅದನ್ನು ಸ್ಪಷ್ಟಪಡಿಸುತ್ತಿದ್ದೇನೆ' ಎಂದು ಭಾರತಿ ಹೇಳಿದರು.
ಸುದ್ದಿಗಾರರನ್ನುದ್ದೇಶಿಸಿ ಮಾತನಾಡಿದ ಭಾರತಿ, ಮುಂಬರುವ ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಮೈತ್ರಿ ಇಲ್ಲದೆ ಒಂದೇ ಒಂದು ಮೇಯರ್ ಸ್ಥಾನವನ್ನು ಗೆದ್ದು ತೋರಿಸಲಿ ಎಂದು ಕಾಂಗ್ರೆಸ್ಗೆ ಸವಾಲೆಸೆದ ಅವರು, ಜನವರಿಯ ಆರಂಭದಲ್ಲಿ ಚುನಾವಣೆಗಳನ್ನು ನಡೆಸಬೇಕೆಂದು ಒತ್ತಾಯಿಸಿದರು.
'ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳಲ್ಲಿ ಜನರು ಅರ್ಹ ಅಭ್ಯರ್ಥಿಗಳಿಗೆ ಮಾತ್ರ ಮತ ಹಾಕುತ್ತಾರೆ. ನಾನು ಅವರಿಗೆ ಸವಾಲು ಹಾಕುತ್ತೇನೆ: ಆರು ತಿಂಗಳಲ್ಲಿ ಚುನಾವಣೆ ನಡೆಸಲಿ, ಉದಾಹರಣೆಗೆ ಜನವರಿಯಲ್ಲಿ. ನೀವು ಒಂದೇ ಒಂದು ಮೇಯರ್ ಹುದ್ದೆಯನ್ನು ಗೆಲ್ಲಲು ಸಾಧ್ಯವಾದರೆ, ನಾನು ನಿಮ್ಮ ಶಕ್ತಿಯನ್ನು ಒಪ್ಪಿಕೊಳ್ಳುಸುತ್ತೇನೆ. ಅಣ್ಣಾಮಲೈ ಮತ್ತು ಇತರರು ಈ ಸವಾಲನ್ನು ಸ್ವೀಕರಿಸಲು ಸಿದ್ಧರಿದ್ದೀರಾ?' ಎಂದು ಭಾರತಿ ಪ್ರಶ್ನಿಸಿದರು.
ಡಿಎಂಕೆಯ ಕಾರ್ಯಕ್ಷಮತೆ ಮತ್ತು ಮೈತ್ರಿ ಡೈನಾಮಿಕ್ಸ್ ಬಗ್ಗೆ ಕಾಂಗ್ರೆಸ್ ನಾಯಕ ಮಾಣಿಕ್ಕಂ ಟ್ಯಾಗೋರ್ ಅವರ ವಿಮರ್ಶಾತ್ಮಕ ಹೇಳಿಕೆಗಳ ಬಗ್ಗೆ ಕೇಳಿದಾಗ, ಟ್ಯಾಗೋರ್ಗೆ ಮೊದಲು ತಮ್ಮ ಸ್ವಂತ ಗೆಲುವಿನ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಲಿ. ಕೆಲವು ಬೇರ್ಪಡುವಿಕೆಗಳು ಪರಸ್ಪರ ಒಪ್ಪಿಗೆಯಿಂದ ಸಂಭವಿಸಿದರೂ, ಈ ವಿಘಟನೆಯು ಪಾಲುದಾರ 'ರಹಸ್ಯ ಸಂಬಂಧ'ದಲ್ಲಿ ತೊಡಗಿರುವಂತೆಯೇ ಇದೆ ಎಂದು ಹೇಳಿದರು.
'ಓಡಿಹೋದ ಹೆಂಡತಿಯೊಂದಿಗೆ ಯಾರೂ ವಾಸಿಸುವುದಿಲ್ಲ. ಅವರೊಂದಿಗೆ ಯಾವುದೇ ರಾಜಕೀಯ ಸಂಬಂಧಗಳು ಇರುವುದಿಲ್ಲ. ಡಿಎಂಕೆ ನಾಯಕತ್ವ ಬೇರೆ ರೀತಿಯಲ್ಲಿ ನಿರ್ಧರಿಸಿದರೂ, ಪಕ್ಷದ ತಳಮಟ್ಟದ ಕಾರ್ಯಕರ್ತರು ಕಾಂಗ್ರೆಸ್ ಅನ್ನು ಮತ್ತೆ ಪಕ್ಷಕ್ಕೆ ಎಂದಿಗೂ ಸ್ವೀಕರಿಸುವುದಿಲ್ಲ. ಸದ್ಯದ ರಾಜಕೀಯ ಪರಿಸ್ಥಿತಿಯ ಹೊರತಾಗಿಯೂ, ಡಿಎಂಕೆ ಸೈದ್ಧಾಂತಿಕವಾಗಿ ರಾಜಿಯಾಗದೆ ಉಳಿದಿದೆ ಮತ್ತು ಭವಿಷ್ಯದಲ್ಲಿ ಬಿಜೆಪಿಯೊಂದಿಗೆ ಎಂದಿಗೂ ಹೊಂದಾಣಿಕೆ ಮಾಡಿಕೊಳ್ಳುವುದಿಲ್ಲ' ಎಂದು ಭಾರತಿ ಹೇಳಿದರು.
'ಹರಿಯಾಣದಂತಹ ಉತ್ತರ ರಾಜ್ಯಗಳನ್ನು ಐತಿಹಾಸಿಕವಾಗಿ ಕಾಡುತ್ತಿದ್ದ 'ಆಯಾ ರಾಮ್ ಗಯಾ ರಾಮ್' ಸಂಸ್ಕೃತಿಯು ಈಗ ತಮಿಳುನಾಡಿನಲ್ಲಿ ತನ್ನ ಮುಖವನ್ನು ತೋರಿಸುತ್ತಿದೆ. ಸ್ಥಾನಮಾನಗಳಿಗಾಗಿ ಒಂದು ಪಕ್ಷದಿಂದ ಇನ್ನೊಂದು ಪಕ್ಷಕ್ಕೆ ಹೋಗುವ ಜನರು ಹೆಚ್ಚು ಕಾಲ ಉಳಿಯುವುದಿಲ್ಲ. ಆರು ತಿಂಗಳಲ್ಲಿ ಸರ್ಕಾರ ಪತನವಾದರೆ, ಅವರೆಲ್ಲರೂ ಮತ್ತೆ ಓಡಿ ಬರುತ್ತಾರೆ' ಎಂದು ಹೇಳಿದರು.
ನಟ-ರಾಜಕಾರಣಿ ವಿಜಯ್ ಅವರ ಟಿವಿಕೆ ಪಕ್ಷದ ಇತ್ತೀಚಿನ ಚುನಾವಣಾ ಗೆಲುವು ಸಿದ್ಧಾಂತದ ಅನುಮೋದನೆಗಿಂತ 'ಜಾಕ್ಪಾಟ್ ಲಾಟರಿ ಟಿಕೆಟ್' ಎಂದು ಬಣ್ಣಿಸಿದ ಅವರು, ಟಿವಿಕೆ ಕೇವಲ ಶೇ 35 ರಷ್ಟು ಮತಗಳನ್ನು ಪಡೆದುಕೊಂಡಿದೆ. ಅಂದರೆ, ಶೇ 65ರಷ್ಟು ಮತದಾರರು ಅವರ ವಿರುದ್ಧ ಮತ ಚಲಾಯಿಸಿದ್ದಾರೆ ಎಂದು ಹೇಳಿದರು.
'ಜನರು ಮುಖ ನೋಡಿ ಮತ ಚಲಾಯಿಸಿದರು ಮತ್ತು ಇನ್ಸ್ಟಾಗ್ರಾಮ್ನಲ್ಲಿ ಸಾಮಾಜಿಕ ಮಾಧ್ಯಮ ಪ್ರಚಾರಗಳಿಂದಾಗಿ. ಮತದಾರರಿಗೆ ತಮ್ಮ ಸ್ಥಳೀಯ ಶಾಸಕರು ಅಥವಾ ಸಚಿವರು ಯಾರೆಂದು ಸಹ ತಿಳಿದಿಲ್ಲ. ಆರ್ಕಿಮಿಡೀಸ್ ತತ್ವದಂತೆ, 'ಚೆಂಡು ವೇಗವಾಗಿ ಮೇಲಕ್ಕೆ ಹೋದಷ್ಟೂ ಅದು ವೇಗವಾಗಿ ಕೆಳಗಿಳಿಯುತ್ತದೆ' ಎಂದು ತಿಳಿಸಿದರು.