ನೀವು 4 ಸಾವಿರ ರೂಪಾಯಿ ಟಿಕೆಟ್ ತೆಗೆದುಕೊಂಡು ಗರ್ವದಿಂದ ವಂದೇ ಭಾರತ್ ರೈಲಿನಲ್ಲಿ ಕುಳಿತಿದ್ದೀರಿ ರೈಲು ಪ್ರಯಾಣ ಆರಂಭಿಸಿ ವೇಗ ಹೆಚ್ಚಿಸಿದೆ. ಏಕಾಏಕಿ ಬ್ರೇಕ್ ಹಾಕುತ್ತದೆ! ಕಾರಣವೇನು? ಇಬ್ಬರು ಮಹಿಳೆಯರು ತಡವಾಗಿ ಬಂದು ಕೈಜೋಡಿಸಿ ಪೈಲಟ್ಗೆ ಮನವಿ ಮಾಡಿದ್ದು, ಈ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ವ್ಯಾಪಕ ಚರ್ಚೆ ಪರ ವಿರೋಧವಾಗಿ ನಡೆಯುತ್ತಿದೆ.
ತಡವಾಗಿ ಬಂದ ಪ್ರಯಾಣಿಕರು
ಸಾಮಾನ್ಯವಾಗಿ ತಡವಾದಾಗ ಕಣ್ಣೆದುರೇ ರೈಲು ತಪ್ಪಿಸಿಕೊಳ್ಳುವ ಪರಿಸ್ಥಿತಿ ಬಂದರೆ ಯಾರಿಗೂ ಆತಂಕವಾಗುತ್ತದೆ. ಸಾಮಾಜಿಕ ಜಾಲತಾಣಗಳಲ್ಲಿ ಇದೇ ರೀತಿಯ ಒಂದು ವಿಡಿಯೋ ಭಾರೀ ವೈರಲ್ ಆಗುತ್ತಿದೆ. ಅದರಲ್ಲಿ ಇಬ್ಬರು ಮಹಿಳೆಯರು ತಮ್ಮ ಭಾರವಾದ ಸಾಮಾನುಗಳೊಂದಿಗೆ ಪ್ಲಾಟ್ಫಾರ್ಮ್ನಲ್ಲಿ ನಿಂತಿದ್ದಾರೆ. ರೈಲು ಚಲಿಸಲು ಆರಂಭವಾದಾಗ, ಅವರು ಅಸಹಾಯಕರಾಗಿ ಲೋಕೋ ಪೈಲಟ್ ಕಡೆಗೆ ಕೈಜೋಡಿಸಿ “ಪ್ಲೀಸ್-ಪ್ಲೀಸ್” ಎಂದು ಬೇಡಿಕೊಳ್ಳುತ್ತಾರೆ.
ಮಹಿಳೆಯರು ಬೇಡಿಕೊಂಡಾಗ ನಿಂತ ರೈಲು
ವಂದೇ ಭಾರತ್ ರೈಲು ಪ್ಲಾಟ್ಫಾರ್ಮ್ನಿಂದ ಹೊರಟು ವೇಗ ಪಡೆಯುತ್ತಿದ್ದಾಗ, ಇಬ್ಬರು ಮಹಿಳೆಯರು ತಮ್ಮ ಸಾಮಾನುಗಳೊಂದಿಗೆ ಅಲ್ಲಿ ತಲುಪಿ ಕೈಜೋಡಿಸಿ ರೈಲನ್ನು ನಿಲ್ಲಿಸಲು ಲೋಕೋ ಪೈಲಟ್ಗೆ ವಿನಂತಿ ಮಾಡಿಕೊಂಡರು. ಅವರ ಅಸಹಾಯ ಸ್ಥಿತಿ ಕಂಡು ಪೈಲಟ್ನ ಮನಸ್ಸು ಕರಗಿ ಓಡುತ್ತಿದ್ದ ರೈಲನ್ನು ನಿಧಾನಗೊಳಿಸಿದರು.
ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ
ವಿಡಿಯೊದಲ್ಲಿ ಕಾಣುವಂತೆ, ವೇಗ ಪಡೆದುಕೊಂಡಿದ್ದ ರೈಲು ಏಕಾಏಕಿ ನಿಧಾನಗೊಳ್ಳುತ್ತದೆ. ಮಹಿಳೆಯರು ರೈಲಿಗೆ ಹತ್ತಿದರೋ ಇಲ್ಲವೋ ಸ್ಪಷ್ಟವಿಲ್ಲ, ಆದರೆ ಒಂದು ಕಡೆ ಪೈಲಟ್ನ ಗುಣಕ್ಕೆ ಕೆಲವರು ಹೊಗಳುವವರು ಇದ್ದರೆ, ಇನ್ನೊಂದು ಕಡೆ ನಿಯಮಗಳ ಉಲ್ಲಂಘನೆಯಾಗಿದೆ ಎಂದು ಬೈಯುತ್ತಿದ್ದಾರೆ.