ಕಟಕ್: ಮಹಿಳಾ ವಿಶ್ವಕಪ್‌ನ ಲೀಗ್ ಹಂತಗಳು ಮುಕ್ತಾಯಗೊಂಡಿದ್ದು, ಇಂದಿನಿಂದ ಸೂಪರ್ ಸಿಕ್ಸ್ ಹಂತ ಆರಂಭವಾಗಲಿದೆ. ಶುಕ್ರವಾರ ಆರಂಭವಾಗುವ ಈ ಹಂತದಲ್ಲಿ ವೆಸ್ಟ್ ಇಂಡೀಸ್ ತಂಡವು ದಕ್ಷಿಣ ಆಫ್ರಿಕಾ ತಂಡವವನ್ನು ಎದುರಿಸಲಿದೆ.
ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ಆಲ್ರೌಂಡರ್ ಮಾರಿಜನ್ನೆ ಕಪ್ಪ ಹಾಗೂ ವಿಂಡೀಸ್‌ನ ಆಲ್ರೌಂಡರ್ ಸ್ಟೆಫಾನಿ ಟೇಲರ್ ಎಲ್ಲರ ಕೇಂದ್ರ ಬಿಂದುವಾಗಿದ್ದಾರೆ. ಏಕೆಂದರೆ ಈ ಎರಡೂ ತಂಡ ಸೂಪರ್ ಸಿಕ್ಸ್ ಹಂತಕ್ಕೆ ಬರುವಲ್ಲಿ ಈ ಇಬ್ಬರು ಆಟಗಾರ್ತಿಯರು ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಈ ಎರಡೂ ತಂಡಗಳು ಲೀಗ್ ಹಂತದಲ್ಲಿ ಒಂದು ಪಂದ್ಯಗಳನ್ನು ಗೆಲ್ಲುವ ಮೂಲಕ ಆ ಹಂತವನ್ನು ಪ್ರವೇಶಿಸಿದ್ದು, ಎರಡೂ ತಂಡಗಳ ಬಲಾಬಲ ಸಮವಾಗಿದ್ದು ಅಭಿಮಾನಿಗಳಲ್ಲಿ ರೋಚಕ ಪಂದ್ಯ ನಿರೀಕ್ಷೆ ಇದೆ.