ಕರಾಚಿ: ದ್ವಿಪಕ್ಷೀಯ ಸಂಬಂಧ ಹದಗೆಟ್ಟಿರುವ ಹಿನ್ನೆಲೆಯಲ್ಲಿ ಭಾರತ ಹಾಗೂ ಪಾಕಿಸ್ತಾನ ನಡುವಣದ ಕ್ರಿಕೆಟ್ ಸರಣಿ ಅನಿಶ್ಚಿತತೆಯಿಂದ ಕೂಡಿದ್ದು, ಬಹುಶಃ ಈ ಅನಿಶ್ಚಿತತೆಗೆ ಸೆಪ್ಟೆಂಬರ್‍ನಲ್ಲಿ ತೆರೆಬೀಳಲಿದೆ ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ಹಿರಿಯ ಅಧಿಕಾರಿ ನಜಾಮ್ ಸೇಥಿ ಆಶಯ ವ್ಯಕ್ತಪಡಿಸಿದ್ದಾರೆ.
``ಡಿಸೆಂಬರ್‍ನಲ್ಲಿ ತಟಸ್ಥ ತಾಣ ಯುಎಇನಲ್ಲಿ ಇಂಡೋಪಾಕ್ ಸರಣಿಯನ್ನು ಆಯೋಜಿಸುವುದು ಈ ಹಿಂದೆ ಖಚಿತವಾಗಿತ್ತು. ಆದರೆ ಇತ್ತೀಚಿನ ಬೆಳವಣಿಗೆಗಳು ಇದಕ್ಕೆ ಅಡ್ಡಿಪಡಿಸಿದೆ
ಎಂಬ ಮಾತಿದೆ. ಉಭಯರ ಸರಣಿ ಕುರಿತು ಸ್ಪಷ್ಟ ಚಿತ್ರಣ ಮುಂದಿನ ತಿಂಗಳು ಸಿಗಲಿದೆ'' ಎಂದು ಸೇಥಿ ಹೇಳಿದ್ದಾರೆ.