ದುಬೈ: ಹಾಲಿ ಭಾರತ- ದಕ್ಷಿಣ ಆಫ್ರಿಕಾ ಟೆಸ್ಟ್ ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಅಂಪೈರ್ ನಿರ್ಣಯಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ ಟೀಂ ಇಂಡಿಯಾ ಆರಂಭಿಕ ಮುರಳಿ ವಿಜಯ್ಗೆ ಐಸಿಸಿಯು ಪಂದ್ಯದ ಅವರ ಸಂಭಾವನೆಯಲ್ಲಿ ಶೇ. 30ರಷ್ಟು ದಂಡವನ್ನು ವಿಧಿಸಲಾಗಿದೆ.
ಪಂದ್ಯದ 3ನೇ ದಿನವಾದ ಶನಿವಾರ, ಟೀಂ ಇಂಡಿಯಾದ ದ್ವಿತೀಯ ಇನಿಂಗ್ಸ್‍ನಲ್ಲಿ ವಿಜಯ್, ಐದನೇ ಓವರ್‍ನಲ್ಲಿ ಮೊರ್ನೆ ಮಾರ್ಕೆಲ್ ಎಸೆತದಲ್ಲಿ ಕೀಪರ್ ವಿಲಾಸ್‍ಗೆ ಕ್ಯಾಚಿತ್ತು ಔಟಾಗಿದ್ದರು. ಈ ಬಗ್ಗೆ ಅಂಪೈರ್ ನಿರ್ಧಾರ ಹೊರಬೀಳುತ್ತಲೇ, ತಮ್ಮ ಕೈ ಗಾರ್ಡನ್ನು ಅಂಪೈರ್‍ಗೆ ತೋರಿಸುತ್ತಾ ಚೆಂಡು ಇದಕ್ಕೆ ಸವರಿಕೊಂಡು ಹೋಯಿತೆಂದು ಸೂಚಿಸುವ ಮೂಲಕ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದರು.