ನವದೆಹಲಿ: ಭಾರತ ಹಾಗೂ ಪಾಕಿಸ್ತಾನ ನಡುವಿನ ದ್ವಿಪಕ್ಷೀಯ ಕ್ರಿಕೆಟ್ ಸರಣಿ ಪುನರಾರಂಭಕ್ಕೆ ಅನೇಕ ರಾಜಕೀಯ ಅಡಚಣೆಗಳು ಇರಬಹುದು. ಆದರೆ, ಇದು ಉಭಯ ದೇಶಗಳ ಕ್ರಿಕೆಟಿಗರ  ನಡುವಿನ ಬಾಂಧವ್ಯಕ್ಕೆ ಯಾವುದೇ ಧಕ್ಕೆ ತಂದಿಲ್ಲ.

ಇದಕ್ಕೆ ಸಾಕ್ಷಿಯೆಂಬಂತೆ, ಪಾಕಿಸ್ತಾನ ಕ್ರಿಕೆಟ್ ಲೀಗ್‍ನಲ್ಲಿ ಪೆಶಾವರ್ ತಂಡದ ಪರ ಆಡಲಿರುವ ಪಾಲ್ಗೊಂಡಿರುವ ತಮ್ಮ ಮೆಚ್ಚಿನ ಆಟಗಾರ, ಪಾಕಿಸ್ತಾನದ ಶಾಹಿದ್ ಅಫ್ರಿದಿಗೆ, ಭಾರತದ ಕ್ರಿಕೆಟಿಗ  ಯುವರಾಜ್ ಸಿಂಗ್ ವಿಡಿಯೋ ಸಂದೇಶದ ಮೂಲಕ ಶುಭಾಶಯ ಕೋರಿದ್ದಾರೆ. `ನೀವು ಕ್ರಿಕೆಟ್ ಕ್ರೀಡೆಗೆ ಸಂದ ವರ' ಎಂದು ಅಫ್ರಿದಿಯನ್ನು ಬಣ್ಣಿಸಿರುವ ಯುವಿ, ನೋಡುವವರಿಗೆ ನೀವು ಒರಟ  ಎಂದೆನಿಸಿದರೂ, ಅಂತರಾಳದಲ್ಲಿ ನೀವೊಬ್ಬ ನಿಸ್ಪೃಹ ಎಂದು ಶ್ಲಾಘಿಸಿದ್ದಾರೆ.