ಲಂಡನ್: ಐದು ಬಾರಿಯ ವಿಶ್ವ ಚಾಂಪಿಯನ್, ಭಾರತದ  ಗ್ರಾಂಡ್‍ಮಾಸ್ಟರ್ ವಿಶ್ವನಾಥನ್ ಆನಂದ್ ಲಂಡನ್ ಚೆಸ್ ಕ್ಲಾಸಿಕ್  ಚೆಸ್ ಚಾಂಪಿಯನ್‍ಶಿಪ್‍ನಲ್ಲಿ ಮೂರನೇ ಸೋಲನುಭವಿಸಿದ್ದಾರೆ. ಶನಿವಾರ ನಡೆದ ಪಂದ್ಯಾವಳಿಯ ಏಳನೇ ಸುತ್ತಿನಲ್ಲಿ ಫ್ರಾನ್ಸ್ ನ ಮ್ಯಾಕ್ಸಿಮಿ ಲಗ್ರೇವ್ ವಿರುದ್ಧ ಆನಂದ್ ಪರಾಜಿತರಾದರು. ಕಳೆದ ಆರನೇ ಸುತ್ತಿನ ಪಂದ್ಯದಲ್ಲಿ ಅಲೆಕ್ಸಾಂಡರ್ ಗ್ರಿಶ್ಚುಕ್ ವಿರುದ್ಧ  ಸೋಲನುಭವಿಸಿದ್ದ ಆನಂದ್ ಇದೀಗ ಕೇವಲ 2.5 ಅಂಕಗಳನ್ನು  ಗಳಿಸಿ ತೀವ್ರ ಹಿನ್ನಡೆ ಅನುಭವಿಸಿದ್ದಾರೆ. ಈ ಗೆಲುವಿನೊಂದಿಗೆ  ಮ್ಯಾಕ್ಸಿಮಿ ಒಟ್ಟು 4.5 ಅಂಕಗಳನ್ನು ಗಳಿಸಿ ಪಂದ್ಯಾವಳಿಯಲ್ಲಿ ಅಗ್ರ ಸ್ಥಾನ ಕಂಡುಕೊಂಡಿದ್ದರೆ, ನಾರ್ವೆಯ ಮ್ಯಾಗ್ನಸ್ ಕಾಲ್ರ್  ಸನ್ 4 ಅಂಕ ಗಳಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.