ಕೇಪ್ಟೌನ್: ಮುಂದಿನ ವರ್ಷ ನಡೆಯಲಿರುವ ರಿಫಿ ಒಲಿಂಪಿಕ್ಸ್ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳುವ ಅವಕಾಶದಿಂದ ದಕ್ಷಿಣ ಆಫ್ರಿಕಾದ ಪುರುಷರ ಹಾಗೂ ಮಹಿಳೆಯರ ಹಾಕಿ ತಂಡಗಳು ವಂಚಿತವಾಗಿವೆ ಎಂದು ಡಿಎನ್ಎ ತಿಳಿಸಿದೆ.
ಒಲಿಂಪಿಕ್ಸ್ ನಲ್ಲಿ ಪಾಲ್ಗೊಳ್ಳದಂತೆ, ದಕ್ಷಿಣ ಆಫ್ರಿಕಾ ಕ್ರೀಡಾ ಕಾನಿ#ಡರೇಷನ್ ಹಾಗೂ ಅಲ್ಲಿನ ಒಲಿಂಪಿಕ್ಸ್ ಸಂಸ್ಥೆ (ಎಸ್ಎಎಸ್ ಸಿಒಸಿ)ಯು ತನ್ನ ಮೇಲೆ ವಿಧಿಸಿದ್ದ ನಿರ್ಬಂಧದ ವಿರುದ್ಧ ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಸಂಸ್ಥೆ (ಐಒಸಿ)ಯಲ್ಲಿ ದಕ್ಷಿಣ ಆಫ್ರಿಕಾ ಹಾಕಿ ಸಂಸ್ಥೆ ಸಲ್ಲಿಸಿದ್ದ ಮೇಲ್ಮನವಿ ತಿರಸ್ಕೃತಗೊಂಡಿದ್ದು, ಈ ಹಿನ್ನೆಲೆಯಲ್ಲಿ, ಉಭಯ ತಂಡಗಳು ಒಲಿಂಪಿಕ್ಸ್ ನಿಂದ ವಂಚಿತವಾಗಿವೆ.
ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಹಾಕಿ ತಂಡಗಳು , ಆಫ್ರಿಕನ್ ಚಾಂಪಿಯನ್ಶಿಪ್ ಗೆಲ್ಲುವ ಮೂಲಕ ಒಲಿಂಪಿಕ್ಸ್ ನಲ್ಲಿ ಭಾಗವಹಿಸುವ ಅರ್ಹತೆ ಪಡೆದಿದ್ದವು. ಆದರೆ, ಎಸ್ಎಎಸ್ ಸಿಒಸಿಯು ವಿಶ್ವ ಹಾಕಿ ಲೀಗ್ ಗೆದ್ದರೆ ಮಾತ್ರ ಒಲಿಂಪಿಕ್ಸ್ಗೆ ಅರ್ಹತೆ ನೀಡುವುದಾಗಿ ಹೇಳಿತ್ತು. ಆದರೆ, ವಿಶ್ವ ಹಾಕಿ ಲೀಗ್ ನಲ್ಲಿ ಹರಿಣಗಳ ಪಡೆಗಳು ಈ ನಿಟ್ಟಿನಲ್ಲಿ ಯಶಸ್ವಿಯಾಗಲಿಲ್ಲ. ಈ ನಿಟ್ಟಿನಲ್ಲಿ ಎಸ್ಎಎಸ್ಸಿಒಸಿ, ಇತ್ತಂಡಗಳಿಗೆ ಒಲಿಂಪಿಕ್ಸ್ ಅರ್ಹತೆ ನೀಡಲಿಲ್ಲ. ಈ ನಿರ್ಧಾರದ ವಿರುದ್ಧ ದಕ್ಷಿಣ ಆಫ್ರಿಕಾ ಹಾಕಿ ಸಂಸ್ಥೆ, ಐಒಸಿ ಮೊರೆ ಹೋಗಿತ್ತು.