ಇಸ್ಲಾಮಬಾದ್: ಸ್ಪಾಟ್ ಫಿಕ್ಸಿಂಗ್‍ನಲ್ಲಿ ಭಾಗಿಯಾಗಿ ಐದು ವರ್ಷಗಳ ನಿಷೇಧದ ಶಿಕ್ಷೆ ಅನುಭವಿಸಿ ಮತ್ತೆ ಕ್ರಿಕೆಟ್‍ಗೆ ಮರಳಿರುವ ಎಡಗೈ ವೇಗಿ ಮೊಹಮದ್ ಆಮೀರ್, ಶುಕ್ರವಾರ ಪಾಕಿಸ್ತಾನ  ರಾಷ್ಟ್ರೀಯ ತಂಡದೊಂದಿಗೆ ಅಭ್ಯಾಸದಲ್ಲಿ ಭಾಗವಹಿಸಿದ್ದಾರೆ.

ನ್ಯೂಜಿಲೆಂಡ್ ಪ್ರವಾಸದ ವೇಳೆ ತಂಡದ ಆಯ್ಕೆಯಲ್ಲಿ ಆಮೀರ್ ಹೆಸರು ಚರ್ಚೆಯಾ ಗುವ ಬಗ್ಗೆ ಈಗಾಗಲೇ ಮಾತುಗಳು ಕೇಳಿ ಬಂದಿದೆ. ಈಗ ಆಮೀರ್ ರಾಷ್ಟ್ರೀಯ ತಂಡದ ಅಭ್ಯಾಸದ ವೇಳೆ  ಭಾಗವಹಿಸಿರುವುದು,ಮತ್ತೆ ತಂಡಕ್ಕೆ ಮರಳುವುದು ಬಹುತೇಕ ಖಚಿತವಾಗಿದೆ. ಈ ಅಭ್ಯಾಸ ಶಿಬಿರ ಆಟಗಾರರ ಫಿಟ್ನೆಸ್ ಹಾಗೂ ತಾಂತ್ರಿಕ ಅಂಶಗಳ ವೃದ್ಧಿಗೆ ನೆರವಾಗಲಿದೆ ಎಂದು ಪಿಸಿಬಿ  ತಿಳಿಸಿದೆ.