ಸ್ಟಟ್ ಗರ್ಟ್: ಭಾರತದ ಹಿರಿಯ ಟೆನಿಸಿಗ  ರೋಹನ್ ಬೋಪಣ್ಣ  ಹಾಗೂ ಅವರ  ಜೊತೆಗಾರ,ರೊಮೇನಿಯಾದ ಫ್ಲೊರಿನ್  ಮರ್ಜಿಯಾ, ಸ್ಟುಟ್ ಗರ್ಟ್ ಓಪನ್ ಟೆನಿಸ್  ಚಾಂಪಿಯನ್ ಶಿಪ್ ನ ಪುರುಷರ ಡಬಲ್ಸ್ ವಿಭಾಗದಲ್ಲಿ  ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.

ಭಾನುವಾರ ನಡೆದ ಫೈನಲ್ ಪಂದ್ಯದಲ್ಲಿ ರೋಹನ್-ಮರ್ಜಿಯಾ ಜೋಡಿ, 4ನೇ ಶ್ರೇಯಾಂಕಿತ ಜೋಡಿಯಾದ ಆಸ್ಟ್ರೇಲಿಯಾ-ಬ್ರೆಜಿಲ್ ನ  ಜೋಡಿಯಾದ ಅಲೆಕ್ಸಾಂಡರ್  ಪೆಯಾ ಹಾಗೂ ಬ್ರುನೊ ಸೋರ್ಸ್  ಅವರನ್ನು  5-7,6-2 ಹಾಗೂ 10-7 ಸೆಟ್ ಗಳ ಅಂತರದಲ್ಲಿ  ಪ್ರಶಸ್ತಿಗೆ ಭಾಜನವಾಯಿತಲ್ಲದೆ, ಸುಮಾರು 4 ಕೋಟಿ  15 ಲಕ್ಷ ಮೊತ್ತದ  ಬಹುಮಾನವನ್ನು ತನ್ನದಾಗಿಸಿಕೊಂಡಿತು.

ಎರಡು ಜೋಡಿಗಳ ನಡುವಿನ ಮೊದಲ ಸೆಟ್ ನಲ್ಲಿ ಬೋಪಣ್ಣ-ಮರ್ಜಿಯಾ ಜೋಡಿ ಸೋಲು ಕಂಡಿತು. ಆದರೆ, ಎರಡನೇ ಸೆಟ್ ನಲ್ಲಿ ಪ್ರತಿರೋಧ  ತೋರಿದ ಭಾರತ-ರೊಮೇನಿಯಾ ಜೋಡಿ , ತೀವ್ರ  ಹೋರಾಟ ನೀಡಿತು. ಎದುರಾಳಿಗಳಿಗೆ   ಒಂದೇ  ಒಂದು ಬ್ರೇಕ್ ಪಾಯಿಂಟ್ ನ ಅವಕಾಶವನ್ನೂ ನೀಡದೆ ಆಡಿದ ಈ  ಇಬ್ಬರು,  ತಮಗೆ ಸಿಕ್ಕಿದ ಮೂರು ಬ್ರೇಕ್ ಪಾಯಿಂಟ್  ಅವಕಾಶಗಳಲ್ಲಿ ಎರಡನ್ನು ಅಂಕಗಳನ್ನಾಗಿ ಪರಿವರ್ತಿಸಿ ಸೆಟ್  ಗೆಲ್ಲುವಲ್ಲಿ ಯಶಸ್ವಿಯಾದರು.