ಭಾರತದ ಮುಂಚೂಣಿ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್, ಮಾಜಿ ವಿಶ್ವ ಚಾಂಪಿಯನ್ ಚೈನಾದ ಯಿಹಾ ವ್ಯಾಂಗ್ ಅವರನ್ನು ೨೧-೯, ೨೧-೬ ಅಂತರದಲ್ಲಿ ಮಣಿಸುವುದರೊಂದಿಗೆ ೫ ಲಕ್ಷ ಯು ಎಸ್ ಡಾಲರ್ ಪ್ರಶಸ್ತಿಯ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ನ ಸೆಮಿಫೈನಲ್ಸ್ ಪಂದ್ಯಕ್ಕೆ ಲಗ್ಗೆ ಇಟ್ಟಿದ್ದಾರೆ.
ಒಲಂಪಿಕ್ ಕಂಚು ಪ್ರಶಸ್ತಿ ವಿಜೇತೆ ಸೈನಾ ಪಂದ್ಯದ ಪ್ರಾರಂಭದಿಂದಲೂ ಅತ್ಯುತ್ತಮ ಫಾರ್ಮ್ ನಲ್ಲಿದ್ದುದಲ್ಲದೆ, ಯಿಹಾ ಅವರನ್ನು ಆಟದಲ್ಲಿ ಆಕ್ರಮಿಸಿಕೊಳ್ಳಲು ಅವಕಾಶ ನೀಡಲೇ ಇಲ್ಲ. ೩೯ ನಿಮಿಷದ ಈ ಪಂದ್ಯದಲ್ಲಿ ವಿಶ್ವದ ನಂಬರ್ ೩ ಭಾರತದ ಆಟಗಾರ್ತಿ ಒಲಂಪಿಕ್ ಕಂಚಿನ ಪದಕ ವಿಜೇತೆ ಯಿವಾ ವಿರುದ್ಧ ಗೆದ್ದು, ಪಂದ್ಯಗಳ ದಾಖಲೆಯನ್ನು ೨-೮ ಕ್ಕೆ ಉತ್ತಮಪಡಿಸಿಕೊಂಡಿದ್ದಾರೆ.