ಕುವೈತ್: ಆತ್ಯುತ್ತಮ ಪ್ರದರ್ಶನ ಮುಂದುವರಿಸಿರುವ ಭಾರತದ ಶೂಟರ್‌ಗಳು 13ನೇ ಏಷ್ಯನ್ ಶೂಟಿಂಗ್ ಚಾಂಪಿಯನ್‌ಶಿಪ್‌ನ ಮೂರನೇ ದಿನವೂ ಐದು ಚಿನ್ನ ಸೇರಿದಂತೆ ಒಟ್ಟು ೭  ಪದಕಗಳನ್ನು ಬಾಚಿಕೊಂಡಿದೆ.

ಚಾಂಪಿಯನ್‌ಶಿಪ್ ನ 3ನೇ ದಿನವಾದ ಗುರುವಾರ ನಡೆದ ೧೦ಮೀ.ಪಿಸ್ತೂಲ್ ಶೂಟಿಂಗ್ ನಲ್ಲಿ 197 ಅಂಕಗಳನ್ನು ಗಳಿಸಿದ ಶೈಂಕಿ ನಗರ್ ಚಿನ್ನ ಗೆದ್ದರೆ, ಸಮರ್ಜಿತ್ ಸಿಂಗ್ ಕಂಚು ಪಡೆದಿದ್ದಾರೆ. ಈ ಇಬ್ಬರು ಮೋಹಿತ್ ಗೌರ್ ಜತೆಗೂಡಿ ತಂಡ ವಿಭಾಗದಲ್ಲಿ ಚಿನ್ನ ಸಂಪಾದಿಸಿದರು. ಕಿರಿಯರ ವಿಭಾಗದಲ್ಲಿ ಸುಮೇದ್ ಕುಮಾರ್ ಕಂಚಿನ ಪದಕ ಪಡೆಯುವ ಮೂಲಕ ಟೂರ್ನಿಯಲ್ಲಿ ಮೂರನೇ  ಪದಕ ಪಡೆದಿದ್ದಾರೆ. ಈತ ಹೇಮೆಂದ್ರ ಮತ್ತು ಅಚಲ್ ಜತೆಗೂಡಿ ತಂಡದ ವಿಭಾಗದಲ್ಲಿ ಚಿನ್ನ ಗೆದ್ದಿದ್ದಾರೆ.