ಕ್ರಿಕೆಟಿಗ ಹರ್ಭಜನ್ ಸಿಂಗ್ ಹಾಗೂ ಗೀತಾ ಬಾಸ್ರಾ ಇದೇ ತಿಂಗಳ 29 ರಂದು ಹಸೆಮಣೆ ಏರಲಿದ್ದಾರೆ. ಈಗಾಗಲೇ ವಿವಾಹದ ಆಮಂತ್ರಣ ರೆಡಿಯಾಗಿದ್ದು, ವಿವಾಹಕ್ಕೆ ಆಹ್ವಾನಿಸುವ ಕಾರ್ಯದಲ್ಲಿ ಇಬ್ಬರು ತೊಡಗಿದ್ದಾರೆ.

ಡಿಸೈನರ್ ಆದಿ ಸಿಂಗ್ ಈ ಆಮಂತ್ರಣ ಪತ್ರಿಕೆಯನ್ನು ಸಿದ್ದ ಪಡಿಸಿದ್ದಾರೆ.  ಇನ್ನು ವಧು ವರರ ವಿವಾಹ ಉಡುಪುಗಳು ಕೂಡ ರೆಡಿಯಾಗುತ್ತಿವೆ. ವಿವಾಹದ ದಿನ ಹರ್ಭಜನ್ ಸಿಂಗ್ ಶೇರ್ವಾನಿ ಧರಿಸಲಿದ್ದಾರಂತೆ.  ರಾಘವೇಂದ್ರ ರಾಥೋಡ್ ಎಂಬವರು ಹರ್ಭಜನ್ ಗೆ ಕ್ಯಾಸ್ಟ್ಯೂಮ್ ಸಿದ್ದಗೊಳಿಸುತ್ತಿದ್ದಾರಂತೆ. ಇನ್ನು ವಿವಾಹದ ದಿನ ಗೀತಾ ಲೆಹಂಗಾ ಧರಿಸಲಿದ್ದಾರೆ. ಇನ್ನು ವಿವಾಹ 5 ದಿನಗಳ ಕಾಲ ಭರ್ಜರಿಯಾಗಿ ನಡೆಯಲಿದೆ. ಇನ್ನು ಪಂಜಾಬ್ ಶೈಲಿಯಲ್ಲೇ ವಿವಾಹ ಕಾರ್ಯಕ್ರಮಗಳು ನಡೆಯಲಿವೆ.

ಇನ್ನು ವಿವಾಹ ಹರ್ಭಜನ್ ತವರುನಗರ ಜಲಂಧರ್‌ನಿಂದ 20 ಕಿಮೀ ದೂರದ ಪಾಗ್ವಾರಾದ ಹೊಟೆಲ್ ಕ್ಲಬ್ ಕಬಾನಾದಲ್ಲಿ ನಡೆಯಲಿದೆ. ಬಳಿ ಮುಂಬೈನಲ್ಲಿ ತಾಜ್ ಪ್ಯಾಲೇಸ್ ನಲ್ಲಿ ಆರಕ್ಷತೆ ನಡೆಯಲಿದೆ. ಇನ್ನು ವಿವಾಹಕ್ಕೆ ಬಾಲಿವುಡ್ ಹಾಗೂ ಕ್ರಿಕೆಟ್ ತಾರೆಯರು ಆಗಮಿಸಲಿದ್ದಾರೆ. ಬಾಲಿವುಡ್ ನ ಬಹು ನಿರೀಕ್ಷಿತ ಮದುವೆಯೊಂದಕ್ಕೆ ಈಗಾಗಲೇ ಕ್ಷಣಗಣನೆ ಶುರುವಾಗಿದೆ.