ಸಿಂಗಾಪುರ: ಭಾರತದ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಮತ್ತು ಸ್ವಿಜರ್​ಲೆಂಡ್​ನ ಮಾರ್ಟಿನಾ ಹಿಂಗಿಸ್ ಜೋಡಿ ಸಿಂಗಾಪುರದಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಫೈನಲ್ಸ್​ ನಲ್ಲಿ ಪ್ರಶಸ್ತಿ ವಿಜೇತರಾಗಿದ್ದಾರೆ.

ಸಾನಿಯಾ ಮತ್ತು ಹಿಂಗಿಸ್ ಜೋಡಿ ಫೈನಲ್​ನಲ್ಲಿ ಸ್ಪಾನಿಷ್‌ ಆಟಗಾರ್ತಿಯರಾದ ಮಗುರುಜಾ ಗಾರ್ಬಿ ಮತ್ತು ಸುಯೆರೇಜ್ ನಾವಾ ಕಾರ್ಲಾ ಜೋಡಿಯನ್ನು 6-0, 6-3ರಿಂದ ಮಣಿಸುವ ಮೂಲಕ ಪ್ರಶಸ್ತಿಗೆ ಮುತ್ತಿಟ್ಟಿದ್ದಾರೆ. ಆ ಮೂಲಕ ಟೆನ್ನಿಸ್ ಲೋಕದಲ್ಲಿ ಸಾನ್​ಟಿನಾ ಎಂದೇ ಖ್ಯಾತರಾಗಿರುವ ಭಾರತ-ಸ್ವಿಸ್ ಜೋಡಿ ವರ್ಷದ 9ನೇ ಪ್ರಶಸ್ತಿ ಗಳಿಸಿಕೊಂಡಂತಾಗಿದೆ. ಸಾನಿಯಾ ಪಾಲಿಗೆ ಇದು ವರ್ಷದ 10ನೇ ಪ್ರಶಸ್ತಿಯಾಗಿದೆ.

ಈ ಪ್ರಶಸ್ತಿ ಗೆಲುವಿನೊಂದಿಗೆ ಸಾನ್​ಟಿನಾ ಜೋಡಿ ತಾವು ನಂಬರ್ ಒನ್ ಜೋಡಿ ಎಂದು ಮತ್ತೊಮ್ಮೆ ಸಾಬೀತು ಪಡಿಸಿದ್ದಾರೆ.