ಮೆಲ್ಬೋರ್ನ್: ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಭಾರತ ತಂಡ ಸತತ ಸೋಲಿನಿಂದ ಸರಣಿಯನ್ನು ಕೈಚೆಲ್ಲಿದ್ದರೂ ಟೀಂ ಇಂಡಿಯಾ ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ, ಪತ್ರಿಕಾ  ಗೋಷ್ಠಿಯಲ್ಲಿ ತಮ್ಮ ನಾಯಕತ್ವದ ಬಗ್ಗೆ ಕೇಳಲಾದ ಪ್ರಶ್ನೆಗೆ ಹಾಸ್ಯಾಸ್ಪದವಾಗಿ ಉತ್ತರಿಸಿದ್ದಾರೆ.

ಭಾನುವಾರ ಮೂರನೇ ಏಕದಿನ ಪಂದ್ಯ ಸೋಲನುಭವಿಸಿದ ನಂತರ ಮಾತನಾಡಿದ ಧೋನಿ, ``ನಾನು ನನ್ನ ನಾಯಕತ್ವದ ಪ್ರದರ್ಶನವನ್ನು ವಿಮರ್ಶಿಸಿದರೆ, ಅದು ಸ್ವಹಿತಾಸಕ್ತಿ ಸಂಘರ್ಷಕ್ಕೆ ಒಳಪಡಬಹುದು. ಹಾಗಾಗಿ ನಾವು ಇದನ್ನು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಮೂಲಕ ನ್ಯಾಯಾಲಯಕ್ಕೆ ಮೊರೆ ಹೋಗುವುದು ಉತ್ತಮ'' ಎಂದು ಹಾಸ್ಯ ಮಾಡಿದ್ದಾರೆ.