ಬೆಳ್ಳಿಗೆದ್ದ ಪ್ರದೀಪ್ ಕುಮಾರ್
ಗೋಲ್ಡ್ ಕೋಸ್ಟ್: ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿನ ಭಾರತದ ವೇಟ್ ಲಿಫ್ಟರ್ ಗಳ ಯಶೋಗಾಥೆ ಮುಂದುವರೆದಿದ್ದು, ಸೋಮವಾರ ಪುರುಷರ ವೇಟ್ ಲಿಫ್ಟಿಂಗ್ ವಿಭಾಗದ ಸ್ಪರ್ಧೆಯಲ್ಲಿ ಪರ್ದೀಪ್ ಸಿಂಗ್ ಭಾರತಕ್ಕೆ ಮತ್ತೊಂದು ಬೆಳ್ಳಿ ಪದಕ ತಂದುಕೊಟ್ಟಿದ್ದಾರೆ.
ಪುರುಷರ 105 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಭಾರತದ ಪರ್ದೀಪ್ ಸಿಂಗ್ 2ನೇ ಸ್ಥಾನಗಳಿಸುವ ಮೂಲಕ ಭಾರತಕ್ಕೆ ಬೆಳ್ಳಿ ಪದಕ ತಂದು ಕೊಟ್ಟಿದ್ದಾರೆ.
ಗೋಲ್ಡ್ ಕೋಸ್ಚ್ ಕರ್ರಾರ ಅರೇನಾದಲ್ಲಿ ನಡೆದ ಪುರುಷರ 105 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ 22 ವರ್ಷದ ಪರ್ದೀಪ್ ಸಿಂಗ್, 152 ಮತ್ತು 200 ಕೆಜಿ ಸೇರಿದಂತೆ ಒಟ್ಟು 352 ಕೆಜಿ ತೂಕ ಎತ್ತುವ ಮೂಲಕ ಎರಡನೇ ಸ್ಥಾನ ಪಡೆದರು. ಸಮೋವಾದ ಸನೆಲೆ ಮಾವೋ 360 ಕೆಜಿ ತೂಕ ಎತ್ತುವ ಮೂಲಕ ಚಿನ್ನದ ಪದಕಕ್ಕೆ ಭಾಜನರಾದರು.
ವೇಟ್ ಲಿಫ್ಟಿಂಗ್ ನಲ್ಲಿ ಭಾರತಕ್ಕೆ ಇದು 13ನೇ ಪದಕವಾಗಿದ್ದು, ಇದಕ್ಕೂ ಮೊದಲು ಭಾರತದ ವೇಟ್ ಲಿಫ್ಟರ್ ಗಳು 5 ಚಿನ್ನ, 2 ಬೆಳ್ಳಿ ಮತ್ತು 2 ಕಂಚಿನ ಪದಕ ಪಡೆದಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics