ಸಿಯೋಲ್(ದಕ್ಷಿಣ ಕೊರಿಯಾ) : ಸಿಯೋಲ್ ನ ಜಿನ್‌ಚುನ್‌ ರಾಷ್ಟ್ರೀಯ ಅಥ್ಲೆಟಿಕ್ಸ್‌ ಸೆಂಟರ್‌ನಲ್ಲಿ ನಡೆಯುತ್ತಿರುವ ಭಾರತ-ಕೊರಿಯಾ ಮಹಿಳಾ ಹಾಕಿ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ಅತಿಥೆಯರ ವಿರುದ್ಧ 1-0 ಅಂತರದ ಗೆಲುವು ಸಾಧಿಸಿದೆ.
ಒಟ್ಟಾರೆ ಐದು ಪಂದ್ಯಗಳ ಈ ಸರಣಿಯಲ್ಲಿ ಭಾರತ ತಂಡ ಪ್ರಾರಂಭಿಕ ಗೆಲುವಿನೊಡನೆ ಮುನ್ನಡೆ ಸಾಧಿಸಿಕೊಂಡಿದೆ.
ಪ್ರಾರಂಭದಿಂದಲೂ ಉತ್ತಮ ಆಟ ಪ್ರದರ್ಶಿಸಿದ ಬಾರತ ಮಹಿಳಾ ತಂಡ ಪಂದ್ಯದ ಐದನೇ ನಿಮಿಷದಲ್ಲಿ ಪ್ರಥಮ ಗೋಲು ಗಳಿಸುವಲ್ಲಿ ಯಶಸ್ವಿಯಾಗಿತ್ತು. ಭಾರತದ ಪರವಾಗಿ ಲಾಲ್ಮೆಮಿಯಾಮಿ ಅವರು ಗೋಲು ಗಳಿಸಿಕೊಟ್ಟು ತಂಡದ ಮುನ್ನಡೆಗೆ ಕಾರಣರಾದರು.
ಇದಾದ ಬಳಿಕ ಬಾರತಕ್ಕೆ ಒದಗಬಹುದಾಗಿದ್ದ ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಕೊರಿಯನ್ನರ ಪ್ರಬಲ ದಾಳಿ ಇಲ್ಲವಾಗಿಸಿತ್ತು. ಪಂದ್ಯದ 23ನೇ ನಿಮಿಷದಲ್ಲಿ ಕೊರಿಯನ್ನರಿಗೆ ಒದಗಿದ್ದ ಪೆನಾಲ್ಟಿ ಕಾರ್ನರ್ ನ ಗೋಲು ಗಳಿಕೆ ಅವಕಾಶವನ್ನು ಭಾರತದ ಗೋಲ್ ಕೀಪರ್ ಸ್ವಾತಿ ಬಲವಾಗಿ ಪ್ರತಿರೋಧ ಒಡ್ಡುವ ಮುಖೇನ ತಡೆದರು.
ಪಂದ್ಯದ ಅಂತಿಮ ಕ್ಷಣಗಳಲ್ಲಿ ಸಹ ಬಾರತ ಮಹಿಳಾ ತಂಡವು ರಕ್ಷಣಾತ್ಮ ಆಟ ಪ್ರದರ್ಶಿಸಿ ಗೆಲುವು ಪಡೆಯುವ ಸಾಧ್ಯತೆಯನ್ನು ಹೆಚ್ಚಿಸಿಕೊಂಡಿತು. ಅತಿಥೇಯರಿಗೆ ಸಿಗಬಹುದಾಗಿದ್ದ ಅವಕಶವನ್ನು ಗೋಲ್ ಕೀಪರ್ ಸ್ವಾತಿ ಪ್ರಬಲವಾಗಿ ತಡೆದದ್ದು ಅಂತಿಮವಾಗಿ ಭಾರತ 1-0 ಅಂತರದ ಗೆಲುವು ಸಾಧಿಸಿದೆ.
ಮಂಗಳವಾರ ಭಾರತ ತಮ್ಮ ಎರಡನೇ ಪಂದ್ಯವನ್ನು ಆಡಲಿದೆ.