ಪ್ರಣಬ್ ಬರ್ಧಾನ್ ಹಾಗೂ ಶಿಬ್ನತ್ ಡೆ ಸರ್ಕಾರ್
ಜಕಾರ್ತ: ಏಷ್ಯನ್ ಗೇಮ್ಸ್ 2018ರಲ್ಲಿ ಭಾರತದ ಕ್ರೀಡಾಪಟುಗಳ ಚಿನ್ನದ ಬೇಟೆ ಮುಂದುವರೆದಿದ್ದು, ಬ್ರಿಡ್ಜ್ ಮೆನ್ಸ್ ನಲ್ಲಿ ಪ್ರಣಬ್ ಬರ್ಧಾನ್ ಹಾಗೂ ಶಿಬ್ನತ್ ಡೆ ಸರ್ಕಾರ್ ಅವರು ಶನಿವಾರ ಸ್ವರ್ಣ ಪದಕಕ್ಕೆ ಮುತ್ತಿಟ್ಟಿದ್ದಾರೆ.
ಏಷ್ಯನ್ ಗೇಮ್ಸ್ ಆರಂಭವಾದಾಗಿನಿಂದಲೂ ಭಾರತೀಯ ಕ್ರೀಡಾಪಟುಗಳು ಒಂದರ ಹಿಂದೆ ಒಂದರಂತೆ ಕ್ರೀಡೆಯಲ್ಲಿ ಪದಕದ ಬೇಟೆಯಾಡುತ್ತಲೇ ಇದ್ದಾರೆ. ಇದರಂತೆ ಇಂದೂ ಸಹ ಚಿನ್ನದ ಬೇಟೆ ಮುಂದುವರೆದಿದೆ. ಈ ಹಿಂದಷ್ಟೇ ಬಾಕ್ಸರ್ ಅಮಿತ್ ಪಂಘಾಲ್ ಪುರುಷರ 49 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕವನ್ನು ಮುಡಿಗೇರಿಸಿಕೊಂಡಿದ್ದರು.
ಇದೀಗ ಬ್ರಿಡ್ಜ್ ಮೆನ್ಸ್ ನಲ್ಲಿ ಪ್ರಣಬ್ ಬರ್ಧಾನ್ ಹಾಗೂ ಶಿಬ್ನತ್ ಡೆ ಸರ್ಕಾರ ಅವರು ಚಿನ್ನವನ್ನು ಗೆದ್ದು ಹೆಮ್ಮೆ ಪಡುವಂತೆ ಮಾಡಿದ್ದಾರೆ.
60 ವರ್ಷದ ಪ್ರಣಬ್ ಬರ್ಧನ್ ಹಾಗೂ 56 ವರ್ಷದ ಶಿಬ್ನತ್ ಸರ್ಕಾರ್ ಅವರು ಫೈನಲ್ ಸುತ್ತಿನಲ್ಲಿ ಒಟ್ಟು 384 ಅಂಕಗಳಿಸುವ ಮೂಲಕ ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos