ಲಂಡನ್: ಖ್ಯಾತ ಫುಟ್ಬಾಲ್ ಸೂಪರ್ ಸ್ಟಾರ್ ಡೇವಿಡ್ ಬೆಕ್ಹಾಮ್ ಚಾಲನಾ ಪರವಾನಗಿಯನ್ನು ಅಮಾನತುಗೊಳಿಸಲಾಗಿದೆ.

ಮೂಲಗಳ ಪ್ರಕಾರ ಕಳೆದ ನವೆಂಬರ್ 21ರಂದು ಲಂಡನ್ ನಲ್ಲಿ 44 ವರ್ಷದ ಬೆಕ್ಹಾಮ್ ತಮ್ಮ ಐಶಾರಾಮಿ ಬೆಂಟ್ಲಿ ಕಾರನ್ನು ಚಲಾಯಿಸುವಾಗ ಮೊಬೈಲ್ ನಲ್ಲಿ ಮಾತನಾಡುತ್ತಾ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದರು. ಈ ಪ್ರಕರಣದ ವಿಚಾರಣೆ ನಡೆಸಿದ ದಕ್ಷಿಣ ಲಂಡನ್ ನ ಬ್ರೋಮ್ಲಿ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಸತತ ಆರು ತಿಂಗಳ ಸುಧೀರ್ಘ ವಿಚಾರಣೆ ಬಳಿಕ ತನ್ನ ತೀರ್ಪು ನೀಡಿದ್ದು, ಬೆಕ್ಹಾಮ ಅವರ ಚಾಲನಾ ಪರವಾನಗಿಯನ್ನು 6 ತಿಂಗಳ ಕಾಲ ಅಮಾನತು ಮಾಡಿ ಆದೇಶ ಹೊರಡಿಸಿದೆ.

ಇದಕ್ಕೂ ಮೊದಲು 2018ರಲ್ಲಿ ಬೆಕ್ಹಾಮ್ ಮತ್ತೊಂದು ಪ್ರಕರಣದಲ್ಲಿ ಸಿಲುಕಿದ್ದರು. 40 ಮೈಲಿ ವೇಗದಲ್ಲಿ ಚಲಿಸಬೇಕಾದ ರಸ್ತೆಯಲ್ಲಿ 59 ಮೈಲಿ ವೇಗದಲ್ಲಿ ಚಲಿಸಿ ರಸ್ತೆ ನಿಯಮ ಉಲ್ಲಂಘನೆ ಮಾಡಿ ಸಿಕ್ಕಿಬಿದ್ದಿದ್ದರು.