ಲಾಸ್ ಏಂಜಲೀಸ್: ಭಾರತದ ಮಹಿಳಾ ಟ್ರ್ಯಾಕ್ ಅಥ್ಲೀಟ್ ಪಾರುಲ್ ಚೌಧರಿ ಅವರು ಭಾನುವಾರ ಯುಎ ಸನ್‌ಸೆಟ್ ಟೂರ್‌ನ 3000 ಮೀಟರ್ ಸ್ಪರ್ಧೆಯಲ್ಲಿ ಹೊಸ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ.
27 ವರ್ಷದ ಚೌಧರಿ ಅವರು ಮಹಿಳೆಯರ 3000 ಮೀ ಓಟವನ್ನು 8:57.19 ರಲ್ಲಿ ಪೂರ್ಣಗೊಳಿಸುವ ಮೂಲಕ ಸೂರಿಯಾ ಲೋಗನಾಥನ್ ಅವರ ಆರು ವರ್ಷಗಳ ಹಳೆಯ 9:04.5 ರ ದಾಖಲೆಯನ್ನು ಮುರಿದರು.
ಓಟದ ಆರಂಭಿಕ ಹಂತದಲ್ಲಿ ಅವರು ಐದನೇ ಸ್ಥಾನದಲ್ಲಿದ್ದರು. ಆದರೆ ಕೊನೆಯ ಎರಡು ಲ್ಯಾಪ್‌ಗಳಲ್ಲಿ ಅವರು ತಮ್ಮ ವೇಗವನ್ನು ಹೆಚ್ಚಿಸಿಕೊಂಡು ಮೂರನೇ ಸ್ಥಾನ ಆಕ್ರಮಿಸಿದರು.
ಜುಲೈ 15 ರಿಂದ ಚೌಧರಿ ಅವರು ಯುಎಸ್ಎನ ಒರೆಗಾನ್‌ನಲ್ಲಿ 2022 ರ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ 3000m ಸ್ಟೀಪಲ್‌ಚೇಸ್‌ನಲ್ಲಿ ಸ್ಪರ್ಧಿಸಲಿದ್ದಾರೆ.