ಕರಾಚಿ: ಕರಾಚಿಯ ನಾಗರಿಕ ಆಸ್ಪತ್ರೆಯ ತುರ್ತು ನಿಗಾ ಘಟಕದಲ್ಲಿ (ಐ ಸಿ ಯು) 32 ವರ್ಷದ ಯುವ ಹಿಂದೂ ವೈದ್ಯರೊಬ್ಬರು ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿರುವ ಘಟನೆ ನಡೆದಿದೆ. ತಾವು ಕೆಲಸ ಮಾಡುವ ಆಸ್ಪತ್ರೆಯ ಶಸ್ತ್ರಚಿಕಿತ್ಸೆ ವಿಭಾಗದಲ್ಲಿ ಡಾ. ಅನಿಲ್ ಕುಮಾರ್ ಅವರ ದೇಹ ಸಿಕ್ಕಿದೆ ಎಂದು ಈದ್ಗಾ ಸ್ಟೇಷನ್ ಹೌಸ್ ಕಚೇರಿಯ ನಯೀಮುದ್ದೀನ್ ಹೇಳಿದ್ದಾರೆ. 

ಕುಮಾರ್ ಅವರು ಐ ಸಿ ಯು ಗೆ ಸುಮಾರು 5:30 ಕ್ಕೆ ತೆರಳಿದ್ದರು ನಂತರ ಮೂರೂ ಘಂಟೆಗಳ ನಂತರ ಮೃತಪಟ್ಟಿದ್ದಾರೆ ಎಂದು ಪೊಲಿಸ್ ಅಧಿಕಾರಿ ತಿಳಿಸಿದ್ದಾರೆ. ಕದ ಬಡಿದಾಗ ಅದಕ್ಕೆ ಪ್ರತಿಕ್ರಿಯಿಸದೆ ಇದ್ದಾಗ ಬಾಗಿಲು ಮುರಿದಾಗ ಕುಮಾರ್ ಖುರ್ಚಿ ಮೇಲೆ ಕೂತಿದ್ದು, ಮೃತಪಟ್ಟಿದ್ದರು ಎಂದು ಅವರು ತಿಳಿಸಿದ್ದಾರೆ. ಅದೇ ಸ್ಥಳದಲ್ಲಿ ಸಿರಿಂಜ್ ಒಂದು ಕಂಡುಬಂದಿದೆ. 

"ಅವರು ನಿಗೂಢ ರೀತಿಯಲ್ಲಿ ಮೃತಪಟ್ಟಿರುವುದರಿಂದ ಅವರ ಸಾವನ್ನು ತನಿಖೆ ಮಾಡಲಾಗುತ್ತಿದೆ" ಎಂದಿರುವ ಅವರು "ಅವರು ಕೈಗೆ ಇಂಜೆಕ್ಷನ್ ಕೊಟ್ಟಿಕೊಂಡಿರುವ ಸಾಧ್ಯತೆ ಇದೆ" ಎಂದು ನಯೀಮುದ್ದೀನ್ ಹೇಳಿದ್ದಾರೆ. 

ದೇಹದ ಮರಣೋತ್ತರ ಪರೀಕ್ಷೆ ನಡೆದಿದ್ದು ಸಾವಿನ ಕಾರಣಗಳನ್ನು ಕಾಯ್ದಿರಿಸಲಾಗಿದೆ ಮತ್ತು ಸಿರಿಂಜ್ ಅನ್ನು ವಿಧಿ ವಿಜ್ಞಾನ ಪರೀಕ್ಷೆಗೆ ಕಳುಹಿಸಲಾಗಿದೆ. 

ಈ ವಾರದ ಮೊದಲ ಭಾಗದಲ್ಲಿ ಹಿಂದೂ ಉದ್ದಿಮೆದಾರರನನ್ನು ಹತ್ಯೆಗೈಯ್ಯಲಾಗಿತ್ತು ಮತ್ತು ಅವರ ಹಿಂದೂ ಗೆಳೆಯನಿಗೆ ಪ್ರತಿಭಟನಾ ಗುಂಪು ಹಾನಿ ಮಾಡಿತ್ತು.