ನವದೆಹಲಿ: ಆಸ್ಟ್ರೇಲಿಯಾದ 'ದ ಆಸ್ಟ್ರೇಲಿಯನ್‌' ಪತ್ರಿಕೆ ಭಾರತೀಯರನ್ನು ಲೇವಡಿ ಮಾಡಿ ಕಾರ್ಟೂನ್ ಒಂದನ್ನು ಪ್ರಕಟಿಸಿದೆ.
ಸಣಕಲು ದೇಹದ, ಟರ್ಬಾನ್ ತೊಟ್ಟ ವ್ಯಕ್ತಿ ಸೌರಫಲಕಗಳನ್ನು ತಿನ್ನಲು ಹವಣಿಸುತ್ತಿರುವ ಕಾರ್ಟೂನ್ ಇದಾಗಿದ್ದು ಭಾರತೀಯರನ್ನು ಇಲ್ಲಿ ವ್ಯಂಗ್ಯ ಮಾಡಲಾಗಿದೆ. ಈ ಕಾರ್ಟೂನ್ ನನ್ನು ಖ್ಯಾತ ಚಿತ್ರಕಾರ ಬಿಲ್ ಲೀಕ್ ರಚಿಸಿದ್ದಾರೆ.
ಕಳೆದ ವಾರಾಂತ್ಯದಲ್ಲಿ ಪ್ಯಾರಿಸ್‌ನಲ್ಲಿ ನಡೆದ ಶೃಂಗಸಭೆಯಲ್ಲಿ ಭಾರತರ ಸೌರಮೈತ್ರಿ ಬಗ್ಗೆ ಲೇವಡಿ ಮಾಡಿ ಈ ಕಾರ್ಟೂನ್ ರಚಿಸಲಾಗಿದೆ.
ಈಗಾಗಲೇ ಕಾರ್ಟೂನ್ ಬಗ್ಗೆ ಟೀಕೆಗಳ ವ್ಯಕ್ತವಾಗಿದ್ದು, ಭಾರತ, ಆಸ್ಟ್ರೇಲಿಯಾ ಮತ್ತು ಹೊರ ರಾಷ್ಟ್ರಗಳು ಈ ವ್ಯಂಗ್ಯ ಚಿತ್ರವನ್ನು ಖಂಡಿಸಿವೆ.