ಜಕಾರ್ತ: ವೈಮಾನಿಕ ಪ್ರದರ್ಶನದ ವೇಳೆ ಸೇನಾ ವಿಮಾನ ಪತನವಾಗಿದ್ದು, ಇಬ್ಬರು ಪೈಲೆಟ್ ಗಳು ಸಾವನ್ನಪ್ಪಿರುವ ಘಟನೆ ಇಂಡೋನೇಷ್ಯಾದಲ್ಲಿ ನಡೆದಿದೆ. 

ಜಾವಾ ದ್ವೀಪದ ಅದಿ ಸುಸಿಪ್ಟೋ ವಿಮಾನ ನಿಲ್ದಾಣದಲ್ಲಿ ದಕ್ಷಿಣ ಕೊರಿಯಾ ನಿರ್ಮಿತ ಟಿ-೫೦ ಯುದ್ದ ವಿಮಾನ ಪತನವಾಗಿದೆ. 

ಯೋಗ್ಯಾಕರ್ತನಲ್ಲಿರುವ ಏರ್ ಫೋರ್ಸ್ ಸ್ಕೂಲ್ ನ 70ನೇ ದಿನಾಚರಣೆ ಅಂಗವಾಗಿ ವೈಮಾನಿಕ ಪ್ರದರ್ಶನ ಆಯೋಜಿಸಲಾಗಿತ್ತು. ಈ ವೇಳೆ ಪ್ರದರ್ಶನ ನೀಡುತ್ತಿದ್ದ ಸೇನಾ ವಿಮಾನವು ಪತನವಾಗಿದೆ. 

ವಿಮಾನದಲ್ಲಿದ್ದ ಇಬ್ಬರು ಪೈಲೆಟ್ ಗಳು ಮೃತಪಟ್ಟಿದ್ದಾರೆ. ಆದರೆ, ಏರ್ ಶೋ ನೋಡಲು ಮೈದಾನದಲ್ಲಿ ನೆರೆದಿದ್ದ ಜನರಿಗೆ ಯಾವುದೇ ರೀತಿಯ ತೊಂದರೆಯಾಗಿಲ್ಲ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.