ಢಾಕಾ: ಬ್ಲಾಗರ್ ಮತ್ತು ಸಾಮಾಜಿಕ ಕಾರ್ಯಕರ್ತ ಅಹ್ಮದ್ ರಜೀಬ್ ಹೈದರ್ ಅವರನ್ನು ಫೆಬ್ರವರಿ ೨೦೧೩ ರಲ್ಲಿ ಕೊಂದ ಕೊಲೆಗಡುಕರಿಕೆ ಬಾಂಗ್ಲಾ ದೇಶ ನ್ಯಾಯಾಲಯ ಮಂಗಳವಾರ ಗಲ್ಲು ಶಿಕ್ಷೆ ನೀಡಿದೆ.
ಈ ದಾಳಿ ನಡೆಸಿದ ಇಸ್ಲಾಮಿಕ್ ಭಯೋತ್ಪಾದಕ ಸಂಘಟನೆ ಅನ್ಸಾರುಲ್ಲ ಬಾಂಗ್ಲಾ ಸಂಸ್ಥೆಯ ಅಧ್ಯಕ್ಷ ಮುಫ್ತಿ ಜಾಸಿಮ್ ಉದ್ದೀನ್ ರಹ್ಮಾನಿ ಅವರನ್ನು ಒಳಗೊಂಡಂತೆ ಇನ್ನಿತರ ಆರು ಜನರಿಗೆ ವಿವಿಧ ಜೈಲು ವಾಸ ಶಿಕ್ಷೆ ನೀಡಿದೆ.
ರಹ್ಮಾನಿ ಈ ಪ್ರಕರಣಕ್ಕೆ ಚಿತಾವಣೆ ನೀಡಿದವರು ಎಂದು ಹೆಸರಿಸಲಾಗಿದೆ.
ವೃತ್ತಿಪರ ವಿನ್ಯಾಸಕಾರನಾಗಿದ್ದ ಹೈದರ್ ಅವರ ಮೇಲೆ ಢಾಕಾದ ಮೀರ್ಪುರ್ ಪ್ರದೇಶದಲ್ಲಿ ಫೆಬ್ರವರಿ ೧೫ ೨೦೧೩ರಂದು ದಾಳಿ ನಡೆಸಲಾಗಿತ್ತು.
ಧಾರ್ಮಿಕ ಮೂಲಭೂತವದಿಗಳು ಈ ಕೊಲೆ ಎಸಗಿದ್ದಾರೆ ಎಂದು ಪೊಲೀಸ್ ತನಿಖೆ ತಿಳಿಸಿತ್ತು. ೨೦೧೫ ರಲ್ಲಿ ಇನ್ನಿತರ ಐದು ಜಾತ್ಯಾತೀತ ಬ್ಲಾಗರ್ ಗಳು ಮತ್ತು ಲೇಖಕರನ್ನು ಬಾಂಗ್ಲಾದಲ್ಲಿ ಕೊಲೆಗೈಯ್ಯಲಾಗಿತ್ತು.