ಕಾಠ್ಮಂಡು: ಭಾರತದ ಸೀಮಾ ಸಶಸ್ತ್ರ ಬಲದ (ಎಸ್​ಎಸ್​ಬಿ) 13 ಯೋಧರನ್ನು ನೇಪಾಳ ಬಿಡುಗಡೆ ಮಾಡಿದ್ದಾರೆ. 

ಭಾರತ-ನೇಪಾಳ ಗಡಿಯಲ್ಲಿ ಡಿಸೆಲ್ ಕಳ್ಳಸಾಗಾಣಿಕೆ ತಡೆಗಟ್ಟಲು ಪ್ರಯತ್ನಿಸುತ್ತಿದ್ದ ಭಾರತೀಯ ಯೋಧರು ನೇಪಾಳದ ಗ್ರಾಮವನ್ನು ಪ್ರವೇಶಿಸಿದ್ದರು. ಈ ಸಂದರ್ಭದಲ್ಲಿ ಅವರನ್ನು ಹಿಡಿದಿದ್ದ ಗ್ರಾಮಸ್ಥರು ನೇಪಾಳದ ಪೊಲೀಸರ ವಶಕ್ಕೆ ಒಪ್ಪಿಸಿದ್ದರು.

ಭಾರತ-ನೇಪಾಳ ಗಡಿಯಲ್ಲಿರುವ ಕಿಶನ್​ಗಂಜ್ ಜಿಲ್ಲೆಯಲ್ಲಿ ಡಿಸೆಲ್ ಕಳ್ಳಸಾಗಾಣಿಕೆ ಅವ್ಯಾಹತವಾಗಿ ನಡೆಯುತ್ತಿದೆ. ಇದನ್ನು ತಡೆಗಟ್ಟುವ ಉದ್ದೇಶದಿಂದ ಭಾನುವಾರ ಬೆಳಗ್ಗೆ 7 ಗಂಟೆ ಸಮಯದಲ್ಲಿ ಎಸ್​ಎಸ್​ಬಿ ಯೋಧರು ಕಳ್ಳಸಾಗಾಣಿಕೆ ತಂಡದವರನ್ನು ಬೆನ್ನಟ್ಟಿ ಹೋಗಿದ್ದರು. ಈ ಸಂದರ್ಭದಲ್ಲಿ ಅವರು ನೇಪಾಳ ಗಡಿಯನ್ನು ಪ್ರವೇಶಿಸಿದ್ದರು. ಇದನ್ನು ಕಂಡ ನೇಪಾಳದ ಗ್ರಾಮಸ್ಥರು ಯೋಧರನ್ನು ಹಿಡಿದು ಪೊಲೀಸರ ವಶಕ್ಕೆ ಒಪ್ಪಿಸಿದ್ದರು.