ಕೊಲಂಬೋ: ಶ್ರೀಲಂಕಾಗೆ ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) 1.5 ಬಿಲಿಯನ್ ಡಾಲರ್ ನೆರವು ನೀಡಲು ಮುಂದಾಗಿದೆ.

ಲಂಕಾ ಸರ್ಕಾರದ ಆರ್ಥಿಕ ಸುಧಾರಣಾ ಕಾರ್ಯಸೂಚಿಗೆ ಈ ಹಣ ಬಿಡುಗಡೆಯಾಗಲಿದ್ದು ಐಎಂಎಫ್ ನ ಎಕ್ಸ್ಟೆಂಡೆಡ್ ಫಂಡ್ ಫೆಸಿಲಿಟಿಯಿಂದ(ಇಎಫ್ಎಫ್) ನ ಬೆಂಬಲವೂ ದೊರೆತಿದ್ದು ಅಧಿಕೃತ ಒಪ್ಪಿಗೆಯಷ್ಟೇ ಬೇಕಾಗಿದೆ. ಇಎಫ್ಎಫ್ ಲಂಕಾ ಸರ್ಕಾರಕ್ಕೆ ಹೆಚ್ಚುವರಿಯಾಗಿ 650 ಮಿಲಿಯನ್ ಡಾಲರ್ ಹಣವನ್ನು ನೀಡಲಿದೆ ಎಂದು ಐಎಂಎಫ್ ತಿಳಿಸಿದೆ. ಇತ್ತೀಚೆಗಷ್ಟೇ ಅಧಿಕಾರಕ್ಕೆ ಬಂದ ಶ್ರೀಲಂಕಾದ ಸರ್ಕಾರ ಪಾವತಿ ಕೊರತೆ ಸಮತೋಲನ ವಿಸ್ತರಣೆಯನ್ನು ನಿಭಾಯಿಸುವುದಕ್ಕಾಗಿ ಐಎಂಎಫ್ ನಿಂದ ಆರ್ಥಿಕ ಸಹಾಯ ಕೇಳಿತ್ತು. 2009 ರಲ್ಲಿ ಐಎಂಎಫ್ ಶ್ರೀಲಂಕಾಗೆ 2 .6 ಬಿಲಿಯನ್ ಡಾಲರ್ ನೆರವು ನೀಡಿತ್ತು.