ಮನಿಲಾ: ಇತ್ತೀಚಿನ ದಿನಗಳ ತಮ್ಮ ಕಠಿಣ ಹೇಳಿಕೆ, ಎಚ್ಚರಿಕೆಗಳಿಂದಲೇ ಸುದ್ದಿಯಲ್ಲಿರುವ ಫಿಲಿಪೈನ್ಸ್ ಅಧ್ಯಕ್ಷ ರೋಡ್ರಿಗೋ ಡ್ಯುಟರ್ಟೆ ಈಗ ಭ್ರಷ್ಟ ಅಧಿಕಾರಿಗಳಿಗೆ ಕಠಿಣ ಸಂದೇಶ ಎಚ್ಚರಿಕೆ ರವಾನೆ ಮಾಡಿದ್ದಾರೆ. ಅದೇನೆಂದರೆ ಡ್ಯುಟರ್ಟೆ ಭ್ರಷ್ಟ ಅಧಿಕಾರಿಗಳನ್ನು ಹೆಲಿಕಾಫ್ಟರ್ ನಲ್ಲಿ ಕರೆದೊಯ್ದು ಅಲ್ಲಿಂದ ಕೆಳಗೆ ಎಸೆಯುತ್ತಾರಂತೆ!.
ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಿರುವ ರೋಡ್ರಿಗೋ ಡ್ಯುಟರ್ಟೆ ಭ್ರಷ್ಟಾ ಅಧಿಕಾರಿಗಳನ್ನು ಹೆಲಿಕಾಫ್ಟರ್ ನಲ್ಲಿ ಕರೆದೊಯ್ದು ಫಿಲಿಪೈನ್ಸ್ ರಾಜಧಾನಿ ಮನೀಲಾಗೆ ತಳ್ಳುವುದಾಗಿ ಡ್ಯುಟರ್ಟೆ ಎಚ್ಚರಿಕೆ ನೀಡಿದ್ದಾರೆ. ಅಷ್ಟೇ ಅಲ್ಲದೇ, ಈ ಹಿಂದೆಯೂ ಈ ರೀತಿ ಮಾಡಿರುವುದಾಗಿ ಹೇಳಿರುವ ಡ್ಯುಟರ್ಟೆ ಈ ಹಿಂದೆ ಅಪಹರಣಕಾರರನ್ನು ಹೆಲಿಕಾಫ್ಟರ್ ನಿಂದ ಕೆಳಗೆ ತಳ್ಳಿದ್ದೆ, ಈಗೇಕೆ ಭ್ರಷ್ಟ ಅಧಿಕಾರಿಗಳು ಹಾಗೆ ಮಾಡಬಾರದು ಎಂದು ಪ್ರಶ್ನಿಸಿದ್ದಾರೆ.