ರಷ್ಯಾ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಹೇಳಿದ್ದ ಬರಾಕ್ ಒಬಾಮ ಆಡಳಿತ, ಅಮೆರಿಕಾದಲ್ಲಿದ್ದ ರಷ್ಯಾದ ರಾಯಭಾರಿ ಕಚೇರಿಯ 35 ಕ್ಕೂ ಹೆಚ್ಚು ಅಧಿಕಾರಿಗಳನ್ನು ಉಚ್ಚಾಟಿಸಿತ್ತು. ಆದರೆ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದ ವ್ಲಾದಿಮಿರ್ ಪುಟಿನ್ ತಾವು ಅಮೆರಿಕದ ಅಧಿಕಾರಿಗಳನ್ನು ಉಚ್ಚಾಟಿಸುವುದಿಲ್ಲ ಎಂದು ಹೇಳಿದ್ದರು. ವ್ಲಾದಿಮಿರ್ ಪುಟಿನ್ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಡೊನಾಲ್ಡ್ ಟ್ರಂಪ್, ಪುಟಿನ್ ಅವರದ್ದು ಅದ್ಭುತ ನಿರ್ಧಾರವಾಗಿದ್ದು, ಚತುರ ನಾಯಕ ಎಂದು  ನನಗೆ ತಿಳಿದಿತ್ತು ಎಂದಿದ್ದಾರೆ. 

ಅಧಿಕಾರದಿಂದ ನಿರ್ಗಮಿಸುವುದಕ್ಕೂ ಕೇವಲ ಮೂರು ವಾರಗಳ ಮುನ್ನ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮ ರಷ್ಯಾದ ಅಧಿಕಾರಿಗಳನ್ನು ಉಚ್ಚಾಟಿಸಿ ರಷ್ಯಾ ವಿರುದ್ಧ ನಿರ್ಬಂಧ ವಿಧಿಸಿದ್ದಾರೆ. 9 ರಷ್ಯಾದ ಸಂಸ್ಥೆಗಳು ಹಾಗೂ ಅಧಿಕಾರಿಗಳಿಗೆ ನಿರ್ಬಂಧ ವಿಧಿಸಿದ್ದರು.