ಪೇಶಾವರ: ಪಾಕಿಸ್ತಾನದ ಖೈಬರ್ ಪಖ್ತೂನ್‍ಖ್ವಾ ಸರ್ಕಾರದಿಂದ ಸ್ಮಾರಕ ಎಂದು ಘೋಷಣೆಯಾಗಿದ್ದ ಭಾರತೀಯ ಚಿತ್ರರಂಗದ ದಂತಕತೆ ರಾಜ್ ಕಪೂರ್‍ರ ಪೇಶಾವರದ ನಿವಾಸ ಭಾಗಶಃ ಧ್ವಂಸ ಗೊಂಡಿದೆ.

ಆದರೆ, ಸ್ಥಳೀಯ ನ್ಯಾಯಾಲಯದ ಮಧ್ಯಪ್ರವೇಶದಿಂದಾಗಿ ಧ್ವಂಸ ಕಾರ್ಯ ನಿಂತಿದೆ. ಪೇಶಾವರದ ಢಕೈ ಮುನಾವರ ಶಾ ನಲ್ಲಿರುವ ಈ ನಿವಾಸವನ್ನು ರಾಜ್ ಕಪೂರ್ ತಂದೆ ಪೃಥ್ವಿರಾಜ್ ಕಪೂರ್ 1920ರಲ್ಲಿ ನಿರ್ಮಿಸಿದ್ದರು.

ನಂತರ ಅವರ ಕುಟುಂಬ ಭಾರತಕ್ಕೆ ಬಂದಿತ್ತು. ಹೀಗಾಗಿ ನಿವಾಸ ಬೇರೆಯವರ ಪಾಲಾಗಿತ್ತು. ಇತ್ತೀಚೆಗೆ ಇದನ್ನು ರಾಷ್ಟ್ರೀಯ ಸ್ಮಾರಕ ಎಂದು ಇಲ್ಲಿನ ಸ್ಥಳೀಯಾಡಳಿ ತ ಘೋಷಿಸಿತ್ತು.