ನ್ಯೂಯಾರ್ಕ್: ಗನ್ ತೋರಿಸಿ ಹಣ ದೋಚಲು ಬಂದಿದ್ದ ಕಳ್ಳನಿಗೆ ಅಮೆರಿಕದಲ್ಲಿ ಭಾರತ ಮೂಲದ ಮಹಿಳೆಯೊಬ್ಬರು ಹಿಗ್ಗಾಮುಗ್ಗಾ ಥಳಿಸುವ ಮೂಲಕ ಸುದ್ದಿ ಆಗಿದ್ದಾರೆ.
ಜಾರ್ಜಿಯಾದ ಬುರ್ಕೆ ಕಂಟ್ರಿ ಎಂಬಲ್ಲಿ ಅಂಗಡಿ ಕ್ಯಾಶಿಯರ್ ಆಗಿ ಕೆಲಸ ಮಾಡುತ್ತಿರುವ ಭೂಮಿಕಾ ಪಟೇಲ್ ಅವರಿಗೆ ಮಂಗಳವಾರ 17 ವರ್ಷದ ಯುವಕನೊಬ್ಬ ಖರೀದಿ ನೆಪದಲ್ಲಿ ಅಂಗಡಿ ಪ್ರವೇಶಿಸಿ, ನಂತರ ಕ್ಯಾಶಿಯರ್ ಕೌಂಟರ್ನಲ್ಲಿ ಪಿಸ್ತೂಲ್ ತೆಗೆದು ಶೂಟ್ ಮಾಡುತ್ತೇನೆ. ಬೇಗನೆ ಹಣ ನೀಡು ಎಂದು ಗದರಿಸಿದ್ದಾನೆ.
ಇದಕ್ಕೆ ಹೆದರದ ಭೂಮಿಕಾ ಪಟೇಲ್ ಹಣ ಕೊಡಲ್ಲ ಬೇಕಾದ್ರೆ ಶೂಟ್ ಮಾಡು ಎಂದು ಹೇಳಿದ್ದಾರೆ. ಈ ವೇಳೆ ತಮ್ಮ ಸಮಯ ಪ್ರಜ್ಞೆಯಿಂದ ಆತನ ಶರ್ಟ್ ಹಿಡಿದು ಕಿ ಬೋರ್ಡ್ನಲ್ಲೇ ಚೆನ್ನಾಗಿ ಹೊಡೆದಿದ್ದಾರೆ. ಈ ವೇಳೆ ಆತ ಹೇಗೋ ತಪ್ಪಿಸಿ ಓಡಿ ಹೋಗಿದ್ದಾನೆ. ಆದರೆ ಭೂಮಿಕಾ ಅಂಗಡಿಯಲ್ಲಿದ್ದ ಸುತ್ತಿಗೆಯನ್ನು ತೆಗೆದು ಆತನ ಹಿಂದೆ ಓಡಿದ್ದಾರೆ.
ಈ ಘಟನೆಯ ಬಳಿಕ ಸಿಸಿಟಿವಿಯ ಆಧಾರಲ್ಲಿ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ. ಭೂಮಿಕಾ ಅವರ ಸಮಯ ಪ್ರಜ್ಞೆಯನ್ನು ಅಮೆರಿಕದ ಮಾಧ್ಯಮಗಳು ಹೊಗಳಿವೆ.